മുഖ്യമന്ത്രി പിണറായി വിജയന്‍ കരിപ്പൂരിലേക്ക്‌

തിരുവനന്തപുരം: മുഖ്യമന്ത്രി പിണറായി വിജയന്‍ ഇന്ന് (ശനി, ഓഗസ്റ്റ് 8) കരിപ്പൂരിലെത്തുമെന്ന് റിപ്പോര്‍ട്ട്. രാവിലെ 9 മണിയോടെ പ്രത്യേക ഹെലികോപ്റ്ററിലായിരിക്കും അദ്ദേഹം എത്തുക. വിമാനപകടം നടന്ന സ്ഥലം സന്ദര്‍ശിക്കും. തുടര്‍ന്ന് പരിക്കേറ്റ് ആശുപത്രികളില്‍ കഴിയുന്നവരെ സന്ദര്‍ശിച്ചേക്കുമെന്നാണ് സൂചന.

തുടര്‍നടപടികള്‍ ചര്‍ച്ച ചെയ്യാന്‍ മുഖ്യമന്ത്രി ഉന്നതതല യോഗം വിളിക്കാനും സാധ്യതയുണ്ട്. കൊവിഡ് കാലത്ത് ഇതാദ്യമായാണ് മുഖ്യമന്ത്രി തിരുവനന്തപുരത്തിന് പുറത്തേക്ക് പോകുന്നത്.