ഇന്ന് വേൾഡ് അനിമൽ ഡേ.. മനുഷ്യൻ ഭൂമിയിൽ ഏകനാകുന്ന കാലം വിദൂരമല്ല !

നാമറിയണം :-

ഇക്കഴിഞ്ഞ 44 വർഷത്തിനിടെ 60% വന്യജീവികൾ ഭൂമിയിൽ ഇല്ലാതായി.ഓരോ മൂന്നുമണിക്കൂറിലും 30000 ജീവജന്തുവർഗ്ഗം ഭൂമിയിൽനിന്ന് വിലുപ്തമായിക്കൊണ്ടിരിക്കുന്നു.

മനുഷ്യനെ ഏറെ സ്നേഹിച്ചിരുന്ന നമുക്കുചുറ്റുപാടും സദാ പാട്ടുപാടിആർത്തുല്ലസിച്ചുനടന്നിരുന്ന കുരുവികൾ ഭൂമിയിൽ നിന്നപ്രത്യക്ഷമാകുകയാണ്. ഭൂമിയിൽ ഉണ്ടായിരുന്നത്തിന്റെ പകുതിയോളം അവ ഇന്നില്ല. കാരണം അജ്ഞാതം..

ഒരു വർഷം ലോകമാകെ 70000 മൃഗങ്ങൾ കൊല്ലപ്പെടുന്നു.ഒരു ദിവസം ശരാശരി 100 ആനകൾ കൊല്ലപ്പെടുന്നു. വെള്ളത്തിൽ ജീവിച്ചിരുന്ന 83% ജീവികളും ഇല്ലാതായിക്കഴിഞ്ഞു.

ഇന്ന് ലോകമൊട്ടാകെ 770 കോടി മനുഷ്യരുണ്ട്. ലോകമാകെ വിവിധയിനത്തിൽപ്പെട്ട കോടിക്കണക്കിനു മൃഗങ്ങളുമുണ്ട്. എന്നാൽ മനുഷ്യൻ മൂലം 1970 നും 2014 നുമിടയിൽ അവയിൽ 63 % മൃഗങ്ങളാണ് ഇല്ലാതായത്. പക്ഷേ ഈ കാലയളവിൽ മനുഷ്യജനസംഖ്യ ലോകത്ത് ഇരട്ടിയായി ഉയർന്നുവന്നതും നാമറിയണം.

മനുഷ്യന്റെ അനാസ്ഥയും സ്വാർത്ഥതയും മൂലം നമുക്കൊപ്പം ഈ ഭൂമിയിൽ സസുഖം ജീവിച്ചിരുന്ന നിരവധി അനവധി പക്ഷിമൃഗാദികൾക്കു വംശനാശം സംഭവിക്കുകയും അവ ഭൂമിയില്നിന്നുതന്നെ അപ്രത്യക്ഷമാകുകയും ചെയ്തുകൊണ്ടിരിക്കുന്നു. അവസ്ഥയിങ്ങനെ തുടർന്നാൽ മനുഷ്യൻ ഭൂമിയിൽ ഏകനാകുന്ന കാലം വിദൂരമല്ല.

ഹാർവേഡ്‌ യൂണിവേഴ്സിറ്റി നടത്തിയ ഒരു പഠനത്തിലാണ് ഈ ഞെട്ടിക്കുന്ന വിവരങ്ങൾ പുറത്തുവന്നത്.