കൊച്ചി: ചൈനയിലെ കുമ്മിങ് വിമാനത്താവളത്തിനുള്ളില് കുടുങ്ങിക്കിടന്ന മലയാളി വിദ്യാര്ഥികള് കൊച്ചിയില് എത്തി. കൊറോണ ഭീതി മൂലം ചൈനയില് നിന്നും യാത്രതിരിച്ച 17 അംഗ എംബിബിഎസ് വിദ്യാര്ഥി സംഘമാണ് രാത്രി 11.30ഓടെ കൊച്ചിയില് വന്നിറങ്ങിയത്. ഇവരെ കളമശേരി മെഡിക്കല് കോളജിലെ ഐസൊലഷന് വാര്ഡിലേക്ക് മാറ്റും.
നേരത്തെ, സിംഗപ്പൂര് വഴി നാട്ടിലേക്ക് വരാനിരുന്ന മലയാളി വിദ്യാര്ഥികള്ക്ക് വിമാനത്തില് പ്രവേശനം നിഷേധിച്ചതിനെ തുടര്ന്നാണ് കുമ്മിങ് വിമാനത്താവളത്തില് കുടുങ്ങിയത്. എന്നാല് വിമാനത്താവളത്തില് ചെക്കിന് ചെയ്ത് ബോര്ഡിംഗ് പാസ് ലഭിച്ച ശേഷമാണ് ചൈനയില് നിന്നുള്ള യാത്രക്കാര്ക്ക് സിംഗപ്പൂരില് വിലക്കുള്ള കാര്യം വിദ്യാര്ഥികള് അറിയുന്നത്. ഇതോടെ വിമാനത്താവളത്തില് വിദ്യാര്ഥികള് കുടുങ്ങുകയായിരുന്നു.
ടിക്കറ്റെടുത്തിരുന്ന ക്യൂട്ടി എയര്ലൈന്സ് അവസാന നിമിഷം വിസമ്മതിച്ചതോടെയാണ് ഇവര് കുടുങ്ങിയത്. മണിക്കൂറുകളോളം വിമാനത്താവളത്തില് കുടുങ്ങിയ വിദ്യാര്ഥികളെ വിദേശകാര്യ മന്ത്രാലയം ഇടപെട്ടാണ് നാട്ടിലെത്തിക്കാനുള്ള വഴിയൊരുക്കിയത്.