കുവൈറ്റില്‍ കൊവിഡ് കേസുകള്‍ കൂടുന്നു; ഇന്ന് രോഗം സ്ഥിരീകരിച്ചത് 1,935 പേര്‍ക്ക് ! പുതിയതായി റിപ്പോര്‍ട്ട് ചെയ്തത് ഏഴ് മരണം

കുവൈറ്റ് സിറ്റി: കുവൈറ്റില്‍ കൊവിഡ് ബാധിതരുടെ എണ്ണം 340,967 ആയി. ഇന്ന് 1,935 പേര്‍ക്കാണ് രോഗം സ്ഥിരീകരിച്ചത്. പുതിയതായി ഏഴ് മരണം റിപ്പോര്‍ട്ട് ചെയ്തു. ഇതോടെ ആകെ മരണസംഖ്യ 1,877 ആയി ഉയര്‍ന്നു. 24 മണിക്കൂറിനിടെ 1,408 പേര്‍ കുവൈറ്റില്‍ കൊവിഡ് മുക്തരായി. ഇതുവരെ 321,293 പേരുടെ രോഗം ഭേദമായിട്ടുണ്ട്.

17,797 പേര്‍ നിലവില്‍ ചികിത്സയിലാണ്. ഇതില്‍ 227 പേരുടെ നില ഗുരുതരമാണ്. പുതിയതായി 13,536 പേര്‍ക്ക് കുവൈറ്റില്‍ കൊവിഡ് പരിശോധന നടത്തി. ഇതുവരെ ആകെ, 2,851,002 പരിശോധനകള്‍ നടത്തിയിട്ടുണ്ട്. 14.30 ശതമാനമാണ് ടെസ്റ്റ് പോസിറ്റിവിറ്റി നിരക്ക്.