തിരുവനന്തപുരം: കോവിഡ്19 പ്രതിരോധ നടപടികളുടെ ഭാഗമായി സെക്രട്ടേറിയറ്റില് ആരംഭിച്ച വാര് റൂം 24 മണിക്കൂറും പ്രവ൪ത്തിക്കും. മൂന്നു ഷിഫ്റ്റുകളിലായാണു പ്രവര്ത്തനം. ഒരേസമയം രണ്ട് ഐഎഎസുകാ൪ മേല്നോട്ട ചുമതല വഹിക്കുമെന്നും പൊതുഭരണ വകുപ്പ് ഇറക്കിയ ഉത്തരവില് പറയുന്നു.
ഐഎഎസുകാരായ ഡോ.എ. കൗശിഗന്, ഡോ.എസ്. കാര്ത്തികേയന്, വി.ആര്. പ്രേംകുമാര്, ജെറോമിക് ജോര്ജ് എന്നിവര്ക്ക് കൂടി വാര്റൂമിന്റെ മേല്നോട്ട ചുമതലകള് നല്കി. ഷിഫ്റ്റ് അടിസ്ഥാനത്തില് മൂന്ന് ഗ്രൂപ്പുകളായി ജീവനക്കാരെ തരംതിരിച്ച് ക്രമീകരിക്കേണ്ടത് ചുമതലക്കാരായ ഉന്നതോദ്യോഗസ്ഥരാണ്.
ഇതിനു പുറമേ, സര്ക്കാര് പ്രഖ്യാപിച്ച ആനുകൂല്യങ്ങള് ഉപഭോക്താക്കളുടെ കൈകളില് തടസമില്ലാതെ എത്തുന്നുവെന്ന് വിലയിരുത്തി ഉറപ്പാക്കാനുള്ള ചുമതല ഐഎഎസ് ഉദ്യോഗസ്ഥയായ ജോഷി മൃണ്മയി ശശാങ്കിന് നല്കി. എല്ലാ ജില്ലകളിലും ഭക്ഷ്യധാന്യങ്ങളുടെ ലഭ്യത സംബന്ധിച്ച് ദൈനംദിന റിപ്പോര്ട്ട് ലഭ്യമാക്കല്, റേഷന് പൊതുവിതരണവുമായി ബന്ധപ്പെട്ടുയര്ന്നു വരുന്ന പരാതികള് സമയബന്ധിതമായി തീര്പ്പാക്കലിനുള്ള ഇടപെടല് എന്നിവയുടെ ചുമതല മറ്റൊരു ഐഎഎസുകാരനായ നരസിംഹുഗാരി തേജ് ലോഹിത് റെഡ്ഡിക്ക് നല്കി.
തൊഴില്വകുപ്പിന്റെ പ്രതിനിധികളെ കൂടി വാര്റൂമിന്റെ ഭാഗമാക്കാന് ലേബര് കമ്മീഷണര്ക്കു നിര്ദേശം നല്കി. ആരോഗ്യ, കുടുംബക്ഷേമ വകുപ്പ്, റവന്യു, തദ്ദേശസ്വയംഭരണം, ഭക്ഷ്യവും പൊതുവിതരണവും, ഗതാഗതം, പോലീസ്, തൊഴിലും നൈപുണ്യവും വകുപ്പു ജീവനക്കാരാണ് വാന് റൂമിലുള്ളത്.