കാര്യവട്ടം ഏകദിനത്തില് വിന്ഡീസിനെതിരെ 105 റണ്സ് വിജയലക്ഷ്യം പിന്തുടരുന്ന ഇന്ത്യയ്ക്ക് ആദ്യ വിക്കറ്റ് നഷ്ടം. ഓഷേന് തോമസ് എറിഞ്ഞ രണ്ടാം ഓവറിലെ അഞ്ചാം പന്തില് ഓപ്പണര് ശീഖര് ധവാന്റെ കുറ്റി തെറിക്കുകയായിരുന്നു. ആറ് റണ്സാണ് ധവാന് എടുക്കാനായത്. നാല് ഓവര് പിന്നിടുമ്പോള് ഇന്ത്യ 22 റണ്സെടുത്തിട്ടുണ്ട്. രോഹിത് ശര്മ്മയും(4) നായകന് വിരാട് കോലിയുമാണ്(12) ക്രീസില്.
നേരത്തെ ടോസ് നേടി ബാറ്റിംഗ് തെരഞ്ഞെടുത്ത വിന്ഡീസ് 31.5 ഓവറില് 104 റണ്സിന് പുറത്തായി. തുടക്കത്തില് രണ്ട് റണ്സിന് രണ്ട് വിക്കറ്റ് നഷ്ടമായ സന്ദര്ശകര് പിന്നീട് കൂട്ടത്തകര്ച്ച നേരിടുകയായിരുന്നു. 25 റണ്സെടുത്ത ഹോള്ഡറാണ് വിന്ഡീസിന്റെ ടോപ് സ്കോറര്. ഇന്ത്യക്കായി ജഡേജ നാലും ബൂംമ്രയും ഖലീലും രണ്ട് വിക്കറ്റ് വീതവും ഭുവിയും കുല്ദീപും ഓരോ വിക്കറ്റും വീഴ്ത്തി.