ന്യൂജേഴ്സി: മനുഷ്യ മാംസം ഭക്ഷിക്കുന്ന മാരക ബാക്ടീരിയ കടല്ത്തീരങ്ങളില് സജീവമാകുന്നു. വിബ്രിയോ വള്നിഫിക്കസ് എന്ന ബാക്ടീരിയയുടെ സാന്നിധ്യമാണ് മനുഷ്യവാസമുള്ള മേഖലയിലേക്ക് സജീവമാകുന്നതായാണ് ഗവേഷകര് വ്യക്തമാക്കിയത്.
ആഗോള താപനം മൂലം സമുദ്ര ജലത്തിന് ചൂട് കൂടിയതിന് പിന്നാലെയാണ് ഇവ തീരങ്ങളോട് അടുക്കുന്നതെന്നാണ് നിരീക്ഷണം.
അമേരിക്കയില് ഇവയുടെ ആക്രമണത്തില് അംഗവൈകല്യം വരുന്നവുടേയും മരിക്കുന്നവരുടേയും വര്ധിച്ചതിന് പിന്നാലെയാണ് ഗവേഷകര് കാരണം തേടിത്തുടങ്ങിയത്. 2017 ന് മുന്പുള്ള വേനല്ക്കാലത്തെ അപേക്ഷിച്ച് വിബ്രിയോ വള്നിഫിക്കസ് ബാക്ടീരിയയുടെ ആക്രമണത്തില് മരിച്ചവരുടെ എണ്ണം കൂടിയെന്നാണ് ന്യൂജേഴ്സിയിലെ കൂപ്പര് യൂണിവേഴ്സിറ്റിയിലെ ഗവേഷകര് വിശദമാക്കുന്നത്.