മീനച്ചിൽ താലൂക്കിൽ മികച്ച സാമ്പത്തിക മാനേജ്‌മെന്റിലൂടെ ലാഭം കൈവരിച്ച ബാങ്കിനുള്ള അവാർഡ് ഇടനാട് സർവീസ് സഹകരണ ബാങ്കിന്

പാലാ: മീനച്ചിൽ സർക്കിൾ സഹകരണ യൂണിയന്റെ ഈ വർഷത്തെ മികച്ച സാമ്പത്തിക മാനേജ്മെന്റിലൂടെ ലാഭം കൈവരിച്ച ബാങ്കിനുള്ള അവാർഡ് ഇടനാട് സർവീസ് സഹകരണ ബാങ്കിന് ലഭിച്ചു.

അഖിലേന്ത്യാ സഹകരണ വാരാഘോഷത്തോട് അനുബന്ധിച്ച് നടന്ന ചടങ്ങിൽ സഹകരണ വകുപ്പ് ഡെപ്യൂട്ടി രജിസ്ട്രാർ പി എസ് ജയകുമാർ പുതിയകുളം അവാർഡ് ഏറ്റുവാങ്ങി.

മികച്ച സാമ്പത്തിക മാനേജ്‌മെന്റും ആധുനിക സാങ്കേതിക വിദ്യയുടെ വിദഗ്ദ്ധ ഉപയോഗവും ബാങ്കിനെ ഈ നിലയിൽ ഉയർത്തിക്കൊണ്ടുവരുവാൻ സഹായിച്ചു എന്ന് ബാങ്ക് പ്രെസിഡന്റ് പറഞ്ഞു.