‘അദ്ദേഹം ആര്‍ക്കും അധികാരം വിട്ടുകൊടുക്കുന്നില്ല, അതാണ് വലിയൊരു ദോഷം; ഒരു മന്ത്രിക്കും ഒന്നും പറയാനാകില്ല. എന്തെങ്കിലും പറഞ്ഞാല്‍ അപ്പോള്‍ തന്നെ മാറ്റി പറയണം; സ്വാതന്ത്യം കൊടുക്കാറില്ല, ഏകാധിപത്യഭരണമാണ്.’ ; മുഖ്യമന്ത്രിയെന്ന നിലയില്‍ പിണറായി വിജയന് പത്തില്‍ മൂന്ന് മാര്‍ക്കാണെന്ന് ഇ ശ്രീധരന്‍

തിരുവനന്തപുരം:  കേരളത്തിന്റേത് ഏകാധിപത്യ ഭരണമാണെന്നും അഴിമതിയില്‍ മുങ്ങിയ ഭരണമാണെന്നും ഇ ശ്രീധരന്‍. ‘മുഖ്യമന്ത്രി ആര്‍ക്കും അധികാരം വിട്ടുകൊടുക്കുന്നില്ല. അതാണ് വലിയൊരു ദോഷം. ഒരു മന്ത്രിക്കും ഒന്നും പറയാനാകില്ല. എന്തെങ്കിലും പറഞ്ഞാല്‍ അപ്പോള്‍ തന്നെ മാറ്റി പറയണം. സ്വാതന്ത്യം കൊടുക്കാറില്ല. ഏകാധിപത്യഭരണമാണ്.’ എന്നായിരുന്നു ഇ ശ്രീധരന്റെ പരാമര്‍ശം.

കേരളത്തിലേത് അഴിമതിയില്‍ മുങ്ങിയ ഭരണമാണെന്നും ജനങ്ങളുടെ ഇടയില്‍ സര്‍ക്കാരിന് മോശം പ്രതിച്ഛായയാണ്. കോടികള്‍ ചെലവിട്ട് പരസ്യം നല്‍കലാണ് ഇപ്പോള്‍ ചെയ്യുന്നത്. മുഖ്യമന്ത്രിയെന്ന നിലയില്‍ പിണറായി വിജയന് പത്തില്‍ മൂന്ന് മാര്‍ക്കാണെന്നും ഇ ശ്രീധരന്‍ പ്രതികരിച്ചു.