തിരുവനന്തപുരം: ഗള്ഫ് രാജ്യങ്ങളിലേക്ക് മടങ്ങാനാകാതെ നാട്ടില് കുടുങ്ങിയ പ്രവാസികള്ക്ക് തൊഴില്സ്ഥലങ്ങളില് തിരിച്ചെത്താനുള്ള അവസരമൊരുക്കണമെന്നാവശ്യപ്പെട്ട് വിദേശകാര്യ സെക്രട്ടറി ഹര്ഷ് വര്ദ്ധന് ശൃംഖ്ളയ്ക്ക് സംസ്ഥാന ചീഫ് സെക്രട്ടറി ഡോ. വി. പി. ജോയ് കത്തയച്ചു.
ഗള്ഫ് രാജ്യങ്ങളിലെ ഗവണ്മെന്റുകളുമായി ചര്ച്ച ചെയ്ത് നാട്ടില് കുടുങ്ങി ബുദ്ധിമുട്ടനുഭവിക്കുന്ന പ്രവാസികള്ക്ക് എത്രയും പെട്ടെന്ന് തൊഴില്സ്ഥലങ്ങളില് തിരിച്ചെത്താനുള്ള അവസരം ഒരുക്കേണ്ടതുണ്ട്.
പ്രവാസികളുടെ തൊഴിലില്ലായ്മ രാജ്യത്തിന്റെ തന്നെ സാമ്പത്തിക സാമൂഹ്യ പ്രശ്നമാണ്. അതുകൊണ്ട് ഈ പ്രശ്നം കാലതാമസമില്ലാതെ പരിഹരിക്കാന് വേണ്ട നടപടികള് കൈക്കൊള്ളണമെന്ന് വിദേശകാര്യ സെക്രട്ടറിക്ക് ചീഫ് സെക്രട്ടറി അയച്ച കത്തില് ആവശ്യപ്പെട്ടു.