ചെങ്ങന്നൂര്: കനത്ത മഴ തുടരുന്ന സാഹചര്യത്തില് പത്തനംതിട്ട ചെങ്ങന്നൂരില് നിരവധി പേര് കുടുങ്ങിക്കിടക്കുകയാണെന്നും ഉടന് എന്തെങ്കിലും ചെയ്യണമെന്നും കുടുംബത്തിന്റെ അഭ്യര്ത്ഥന. ഫെയ്സ്ബുക്ക് ലൈവിലൂടെയാണ് ഇവര് സഹായമഭ്യര്ത്ഥിച്ചത്. ചെങ്ങന്നൂര് പുത്തന്കാവ് പള്ളിക്കും ആറാട്ട്പുഴ ജംഗ്ഷനും ഇടയില് ഇടനാഴിടം ദേവീക്ഷേത്രത്തിന് സമീപമുള്ള നിരവധി കുടുംബങ്ങള് കുടുങ്ങിക്കിടക്കുകയാണെന്ന് വീഡിയോയില് പറയുന്നു.
രക്ഷിച്ചില്ലെങ്കില് ഒരു മണിക്കൂറിലധികം ഇവിടെയുള്ളവര് ജീവിച്ചിരിക്കില്ലെന്നും വീടിന്റെ രണ്ടാം നിലയില് അടക്കം വെള്ളം കയറി തുടങ്ങിയിരിക്കുകയാണെന്നും വീഡിയോയില് പറയുന്നു.