ബംഗലൂരു : ബംഗലൂരുവിലെ ഇലക്ട്രോണിക് സിറ്റിയിലെ ചൂതാട്ട കേന്ദ്രങ്ങളില് സെന്ട്രല് ക്രൈംബ്രാഞ്ച് പൊലീസ് റെയ്ഡ് നടത്തി. ഇന്നലെ രാത്രി നടത്തിയ റെയ്ഡില് 27 പേരെ പിടികൂടിയതായി ജോയിന്റ് കമ്മീഷണര് സന്ദീപ് പാട്ടില് പറഞ്ഞു. രഹസ്യ വിവരത്തിന്റെ അടിസ്ഥാനത്തിലായിരുന്നു നഗരത്തില് പരക്കെ റെയ്ഡ് നടത്തിയത്.
ലഹരി മരുന്ന് കള്ളക്കടത്തുമായി ബന്ധപ്പെട്ട വെളിപ്പെടുത്തലുകളുടെ പശ്ചാത്തലത്തില് അനധികൃത പ്രവര്ത്തനങ്ങള് തടയാനുള്ള കടുത്ത നിലപാടിലാണ് പൊലീസ്.
ലഹരി കടത്തുമായി ബന്ധപ്പെട്ട് കന്നട സിനിമയിലെ പല പ്രമുഖരും പൊലീസിന്റെ നിരീക്ഷണത്തിലാണ്. മലയാള സിനിമയിലെ ഏതാനും പേര്ക്കും ലഹരി മാഫിയാസംഘവുമായി ബന്ധമുണ്ടെന്ന് ആരോപണം ഉയര്ന്നിട്ടുണ്ട്.