പനാജി: ഗോവ സര്വകലാശാലയില് അഫ്ഗാന് വിദ്യാര്ഥിക്കു കുത്തേറ്റ സംഭവത്തില് പോലീസ് ഒരാളെ അറസ്റ്റു ചെയ്തു.
ഒളിവില് പോയ മറ്റ് മൂന്ന് പ്രതികള്ക്ക് വേണ്ടി പോലീസ് അന്വേഷണം പുരോഗമിക്കുകയാണ്. തലേഗാവ് നിവാസിയായ സതീഷ് നിലകാന്താണ് അറസ്റ്റിലായത്.
തിങ്കളാഴ്ച ഉച്ചകഴിഞ്ഞായിരുന്നു സംഭവം. എംകോം വിദ്യാര്ഥിയായ മതിഹുള്ള ആരിയയ്ക്കാണു (24) കുത്തേറ്റത്. രണ്ടു ഗ്രൂപ്പുകള് തമ്മിലുള്ള സംഘര്ഷമാണു കത്തിക്കുത്തില് കലാശിച്ചത്. പരിക്കേറ്റ വിദ്യാര്ഥി ഡോണ പാവ്ലയിലെ സ്വകാര്യ ആശുപത്രിയില് ചികിത്സയിലാണ്.