കൊച്ചി: നെടുമ്പാശ്ശേരി വിമാനത്താവളത്തിൽ സ്വര്ണ്ണവേട്ട.പേസ്റ്റ് രൂപത്തില് 1.4 കിലോ സ്വർണം കടത്താൻ ശ്രമിച്ച കോഴിക്കോട് കൊടുവള്ളി സ്വദേശി അറസ്റ്റില്. ഏകദേശം 36 ലക്ഷം രൂപ വിലമതിക്കുന്ന സ്വർണമാണ് പ്രതിയുടെ പക്കൽനിന്നും പിടികൂടിയത്.
ഷാർജയിൽ നിന്നും ഇന്ന് പുലർച്ചെയാണ് പ്രതി നെടുമ്പാശ്ശേരി വിമാനത്താവളത്തിൽ എത്തിയത്. കൊടുവള്ളി കേന്ദ്രീകരിച്ച് നടക്കുന്ന സ്വർണ്ണക്കടത്ത് സംഘത്തിലെ അംഗമാണ് ഇയാളെന്നാണ് കസ്റ്റംസ് ഉദ്യോഗസ്ഥരുടെ പ്രാഥമിക നിഗമനം. പേസ്റ്റ് രൂപത്തിലുള്ള സ്വർണം കാലിൽ കെട്ടിവച്ച നിലയിലാണ് കടത്താൻ ശ്രമിച്ചത്.