മട്ടന്നൂര്‍: കണ്ണൂര്‍ വിമാനത്താവളത്തിൽ ചാര്‍ട്ടേഡ് വിമാനത്തിലെത്തിയ യാത്രക്കാരനില്‍ നിന്ന് 20 ലക്ഷം രൂപയുടെ സ്വര്‍ണം പിടിച്ചെടുത്തു. മലപ്പുറം മണക്കാട് സ്വദേശി ഉസ്മാന്‍ പൊടിയ(40)യില്‍ നിന്നാണ് 432 ഗ്രാം സ്വര്‍ണം കസ്റ്റംസ് പിടിച്ചത്. ശനിയാഴ്ച രാത്രി 7.45-ന് ദുബായില്‍ നിന്ന് ഫ്‌ളൈ ദുബായ് വിമാനത്തിലാണ് ഉസ്മാന്‍ എത്തിയത്. പേസ്റ്റ് രൂപത്തിലാക്കിയ സ്വര്‍ണം അടിവസ്ത്രത്തില്‍ ഒളിപ്പിച്ചാണ് കടത്താന്‍ ശ്രമിച്ചത്. ഇയാളുടെ പേരില്‍ കസ്റ്റംസ് കേസെടുത്തു.
/sathyam/media/post_attachments/fZmhrtrm7uQKTCep7jBA.png "publive-image")
പ്രവാസികളെ നാട്ടിലെത്തിക്കാനുള്ള സര്‍വീസ് തുടങ്ങിയശേഷം ഇതാദ്യമായാണ് സ്വര്‍ണം പിടിക്കുന്നത്. കസ്റ്റംസ് അസി. കമ്മിഷണര്‍ ഇ.വികാസിന്റെ നേതൃത്വത്തില്‍ നടന്ന പരിശോധനയില്‍ സൂപ്രണ്ടുമാരായ കെ.സുകുമാരന്‍, സി.വി.മാധവന്‍, സന്ദീപ്, ഇന്‍സ്‌പെക്ടര്‍മാരായ എന്‍.അശോക് കുമാര്‍, യദുകൃഷ്ണന്‍, കെ.വി.രാജു എന്നിവര്‍ പങ്കെടുത്തു.
Follow Us/sathyam/media/agency_attachments/5VspLzgrB7PML1PH6Ix6.png)
