ഗു​ഡ്ഗാ​വി​ൽ സു​ര​ക്ഷാ ഉ​ദ്യോ​ഗ​സ്ഥ​ന്‍റെ വെ​ടി​യേ​റ്റ ജ​ഡ്ജി​യു​ടെ ഭാ​ര്യ മ​രി​ച്ചു

ന്യൂ​ഡ​ൽ​ഹി: ഗു​ഡ്ഗാ​വി​ൽ സു​ര​ക്ഷാ ഉ​ദ്യോ​ഗ​സ്ഥ​ന്‍റെ വെ​ടി​യേ​റ്റ ജ​ഡ്ജി​യു​ടെ ഭാ​ര്യ മ​രി​ച്ചു. മ​ക​ൻ ഗു​രു​ത​രാ​വ​സ്ഥ​യി​ൽ ആ​ശു​പ​ത്രി​യി​ലാ​ണ്. അ​ഡീ​ഷ​ണ​ൽ ജി​ല്ലാ സെ​ഷ​ൻ​സ് ജ​ഡ്ജി കൃ​ഷ്ണ​കാ​ന്ത് ശ​ർ​മ​യു​ടെ ഭാ​ര്യ റി​തു (37) ആ​ണ് മ​രി​ച്ച​ത്.

റി​തു​വി​നേ​യും മ​ക​ൻ ധ്രു​വി​നെ​യും (18) ശ​നി​യാ​ഴ്ച വൈ​കു​ന്നേ​ര​മാ​ണ് ആ​ശു​പ​ത്രി​യി​ൽ പ്ര​വ​ശി​പ്പി​ച്ച​ത്. രാ​ത്രി​യോ​ടെ റി​തു മ​ര​ണ​ത്തി​നു കീ​ഴ​ട​ങ്ങി. ധ്രു​വ് ഗു​രു​ത​രാ​വ​സ്ഥ​യി​ൽ ചി​കി​ത്സ​യി​ലാ​ണ്. റി​തു​വി​ന് ര​ണ്ടു ത​വ​ണ​യാ​ണ് വെ​ടി​യേ​റ്റ​ത്. ഒ​രു വെ​ടി​യു​ണ്ട അ​ടി​വ​യ​റ്റി​ലും മ​റ്റൊ​ന്നും തോ​ളി​ലു​മാ​ണ് തു​ള​ഞ്ഞ് ക​യ​റി​യ​ത്. ധ്രു​വി​ന്‍റെ ത​ല​യി​ലും തോ​ളി​ലും വെ​ടി​യേ​റ്റു. ത​ല​യി​ൽ ര​ണ്ടു ത​വ​ണ വെ​ടി​യേ​റ്റു.

ഭാ​ര്യ​യെ​യും മ​ക​നെ​യും കാ​റി​ലി​രു​ത്തി ജ​ഡ്ജി മാ​ർ​ക്ക​റ്റി​ന​ക​ത്തേ​ക്കു പോ​യ നേ​ര​ത്താ​ണ് ഹെ​ഡ് കോ​ണ്‍​സ്റ്റ​ബി​ൾ മ​ഹി​പാ​ൽ ഇ​രു​വ​ർ​ക്കും നേ​രെ വെ​ടി​യു​തി​ർ​ത്ത​ത്. മ​ഹി​പാ​ലി​നെ പോ​ലീ​സ് അ​റ​സ്റ്റ് ചെ​യ്തു.

ഗു​ഡ്ഗാ​വ് സെ​ക്ട​ർ 49ലെ ​അ​ർ​ക്കാ​ഡി​യ മാ​ർ​ക്ക​റ്റി​ന് സ​മീ​പം ശ​നി​യാ​ഴ്ച മൂ​ന്ന​ര​യോ​ടെ​യാ​ണു സം​ഭ​വം. ഒ​ന്ന​ര വ​ർ​ഷ​മാ​യി ജ​ഡ്ജി​യോ​ടൊ​പ്പ​മു​ള്ള ഗ​ണ്‍​മാ​ൻ മ​ഹി​പാ​ലാ​ണ് വെ​ടി​യു​തി​ർ​ത്ത​ത്. ആ​ദ്യം ജ​ഡ്ജി​യു​ടെ ഭാ​ര്യ​യു​ടെ നേ​ർ​ക്ക് നി​റ​യൊ​ഴി​ച്ചു. തു​ട​ർ​ന്ന് മ​ക​നെ​യും വെ​ടി​വെ​ച്ചു വീ​ഴ്ത്തി.

പി​ന്നീ​ട് വെ​ടി​യേ​റ്റു വീ​ണ ജ​ഡ്ജി​യു​ടെ മ​ക​നെ ഇ​വ​ർ വ​ന്ന കാ​റി​ലേ​ക്കു വ​ലി​ച്ചു​ക​യ​റ്റി ഇ​യാ​ൾ ര​ക്ഷ​പെ​ടാ​ൻ ശ്ര​മി​ച്ചെ​ങ്കി​ലും സാ​ധി​ച്ചി​ല്ല. കു​ട്ടി​യെ റോ​ഡി​ൽ ഉ ​പേ​ക്ഷി​ച്ച് ഇ​യാ​ൾ കാ​റു​മെ​ടു​ത്ത ര​ക്ഷ​പെ​ടാ​ൻ ശ്ര​മി​ക്കു​ന്ന ദൃ​ശ്യ​ങ്ങ​ൾ ദൃ​ക്സാ​ക്ഷി​ക​ൾ മൊ​ബൈ​ൽ ഫോ​ണ്‍ കാ​മ​റ​യി​ൽ പ​ക​ർ​ത്തി​യ​ത് പോ​ലീ​സി​ന് കൈ​മാ​റി​യി ട്ടു​ണ്ട്.

സം​ഭ​വ​ത്തി​ന് ശേ​ഷം സ​ദ​ർ പോ​ലീ​സ് സ്റ്റേ​ഷ​നി​ലെ​ത്തി​യ മ​ഹി​പാ​ൽ അ​വി​ടെ​യും തോ​ക്കെ​ടു​ത്തു ഭീ​ക​രാ​ന്ത​രീ​ക്ഷം സൃ​ഷ്ടി​ച്ചു. പി​ന്നീ​ട് അ​വി​ടെ നി​ന്നു ക​ട​ന്നു കള​ഞ്ഞു. ഇയാളെ പോ​ലീ​സ് പി​ൻ​തു​ട​ർ​ന്നു പി​ടി​കൂ​ടു​ക​യാ​യി​രു​ന്നു. അ​ക്ര​മ​ത്തി​നു പി​ന്നി​ലെ കാ​ര​ണ​ത്തെ​ക്കു​റി​ച്ച് അ​ന്വേ​ഷ​ണം ന​ട​ത്തി​വ​രി​ക​യാ​ണെ​ന്ന് കി​ഴ​ക്ക​ൻ ഗു​ഡ്ഗാ​വ് ഡി​സി​പി പ​റ​ഞ്ഞു. ജ​ഡ്ജി​യു​ടെ കു​ടും​ബാം​ഗ​ങ്ങ​ളി​ൽ നി​ന്നു​ണ്ടാ​യ മോ​ശം പെ​രു​മാ​റ്റ​മാ​ണ് മ​ഹി​പാ​ലി​ലെ അ​ക്ര​മ​ത്തി​നു പ്രേ​രി​പ്പി​ച്ച​തെ​ന്നാ​ണ് പോ​ലീസി​ന്‍റെ പ്രാ​ഥ​മി​ക നി​ഗ​മ​നം.