ചണ്ഡിഗഡ്: കോവിഡ് വ്യാപനം രൂക്ഷമായ ഹരിയാനയില് ലോക്ഡൗണ് ഏര്പ്പെടുത്തി. തിങ്കളാഴ്ച പുലര്ച്ചെ അഞ്ച് മുതല് ഒരാഴ്ചത്തേക്കാണ് ലോക്ഡൗണ് പ്രഖ്യാപിച്ചിരിക്കുന്നത്. വാക്സിനേഷന് കേന്ദ്രങ്ങള്, ബാങ്ക്, അവശ്യവസ്തുക്കള് വില്ക്കുന്ന കടകള് എന്നിവയെ ഒഴിവാക്കിയിട്ടുണ്ട്. ചരക്ക് ഗതാഗതവും അനുവദിച്ചിട്ടുണ്ട്.
ബസുകള്, മെട്രോ എന്നിവ 50 ശതമാനം യാത്രക്കാരുമായി സര്വീസ് നടത്താം. ടാക്സി കാറുകളില് ഡ്രൈവര് ഉള്പ്പെടെ മൂന്നു പേര്ക്ക് യാത്ര ചെയ്യാം. ട്രെയിന് സര്വീസിനും തടസമില്ല. പരീക്ഷകള്ക്ക് മാറ്റമില്ല. തീയറ്ററുകള്, മാളുകള്, മാള്, ഷോപ്പിംഗ് കോംപ്ലക്സ്, ജിംനേഷ്യം, സ്പോര്ട്സ് കോംപ്ലക്സ്, നീന്തല്ക്കുളം, പാര്ക്ക്, ബാര്, ഓഡിറ്റോറിയം തുടങ്ങിയവ അടച്ചിടും.
ഞായറാഴ്ച സംസ്ഥാനത്തെ ഏറ്റവും ഉയര്ന്ന പ്രതിദിന കോവിഡ് കേസുകളാണ് റിപ്പോര്ട്ട് ചെയ്തത്. ഇന്നലെ 13,322 പേര്ക്കാണ് പുതുതായി രോഗം സ്ഥിരീകരിച്ചത്.