ന്യൂഡല്ഹി: കേരള ഹൈക്കോടതി ആക്ടിംഗ് ചീഫ് ജസ്റ്റീസായി ജസ്റ്റീസ് സി.കെ. അബ്ദുള് റഹീമിനെ നിയമിച്ചു. കേരളത്തിനു പുറമേ മദ്രാസ്, രാജസ്ഥാന്, പഞ്ചാബ്-ഹരിയാന, ഹിമാചല് പ്രദേശ് ഹൈക്കോടതികളിലും ആക്ടിംഗ് ചീഫ് ജസ്റ്റീസുമാരെ നിയമിച്ചുകൊണ്ട് കേന്ദ്രസര്ക്കാര് ഉത്തരവിറക്കി.
മദ്രാസ് ഹൈക്കോടതി ആക്ടിംഗ് ചീഫ് ജസ്റ്റീസായി ജസ്റ്റീസ് വിനീത് കോത്താരിയെയാണ് നിയമിച്ചത്. സ്ഥലംമാറ്റത്തില് പ്രതിഷേധിച്ച് മദ്രാസ് ഹൈക്കോടതി ചീഫ് ജസ്റ്റീസ് വി.കെ. താഹില്രമാനി നല്കിയ രാജി രാഷ്ട്രപതി സ്വീകരിച്ചതോടെയാണ് ആക്ടിംഗ് ചീഫ് ജസ്റ്റീസിനെ നിയമിച്ചത്.
രാജസ്ഥാന് ഹൈക്കോടതിയില് ജസ്റ്റീസ് എം. റഫീഖിനെയും ഹിമാചല് പ്രദേശ് ഹൈക്കോടതിയില് ജസ്റ്റീസ് ഡി.സി. ചൗധരിയെയും പഞ്ചാബ് -ഹരിയാന ഹൈക്കോടതിയില് ജസ്റ്റീസ് രാജീവ് ശര്മ്മയെയും ആക്ടിംഗ് ചീഫ് ജസ്റ്റീസുമാരായി നിയമിച്ചു.
കേരള, രാജസ്ഥാന്, പഞ്ചാബ്-ഹരിയാന, ഹിമാചല് പ്രദേശ് ഹൈക്കോടതികളിലെ ചീഫ് ജസ്റ്റീസുമാരെ സുപ്രീംകോടതി ചീഫ് ജസ്റ്റീസുമാരായി നിയമച്ചതിനെ തുടര്ന്നാണ് ആക്ടിംഗ് ചീഫ് ജസ്റ്റീസുമാരുടെ നിയമനം.