തിരുവനന്തപുരം : വിദേശങ്ങളില് നിന്നും ഇതര സംസ്ഥാനങ്ങളില് നിന്നും മടങ്ങിയെത്തുന്നവരെ അപ്പാര്ട്ട്മെന്റുകളിലും ഫ്ലാറ്റുകളിലും ഹോം ക്വാറന്റയിനില് അയക്കാനുള്ള തീരുമാനം പുനഃ പരിശോധിക്കണമെന്ന് സംസ്ഥാന മനുഷ്യാവകാശ കമ്മീഷന്.
ഫ്ളാറ്റ്, വില്ലകള് എന്നിവിടങ്ങളില് ഹോം ക്വാറന്റീന് ഏര്പ്പാടാക്കിയ സര്ക്കാര് നടപടിക്കെതിരെ കണ്ണൂര് സ്വദേശിയായ മനുഷ്യാവകാശ പ്രവര്ത്തകന് റനീഷ് കാക്കടവത്ത് സമര്പ്പിച്ച പരാതിയിലാണ് നടപടി
.ഫ്ളാറ്റുകളിലും അപ്പാര്ട്ടുമെന്റുകളിലും വില്ലകളിലും ക്വാറന്റീന് അവസരം നല്കിയാല് അത് വലിയ തരത്തിലുള്ള സമൂഹ വ്യാപനത്തിന് വഴിയൊരുക്കുമെന്നും പരാതിയില് പറയുന്നു. അപ്പാര്ട്ടുമെന്റുകളിലും ഫ്ളാറ്റുകളിലും പത്രവിതരണം മുതല് മാലിന്യ നിര്മാര്ജനം വരെ നടക്കുന്നത് പൊതുവഴിയിലൂടെയാണ്.
പൊതു ലിഫ്റ്റുകളാണ് ഓരോ നിലകളിലെയും താമസക്കാര് ഉപയോഗിക്കുന്നത്. ഒരു അപ്പാര്ട്ട്മെന്റില് ഒരു കൊവിഡ് ബാധിതന് ഉണ്ടെങ്കില് അദ്ദേഹം ഉപയോഗിക്കുന്നതും പൊതുവഴിയും ലിഫ്റ്റും ആയിരിക്കുമെന്നും പരാതിയില് പറയുന്നു.
തുടര്ന്ന് ചീഫ് സെക്രട്ടറി, റവന്യു സെക്രട്ടറി, ആരോഗ്യ വകുപ്പ് ഡയറക്ടര്, സംസ്ഥാന പൊലീസ് മേധാവി എന്നിവര്ക്കാണ് കമ്മീഷന് ജുഡീഷ്യല് അംഗം പി. മോഹനദാസ് തീരുമാനം പുനഃ പരിശോധിക്കന് നിര്ദേശം നല്കിയത്.