ഇന്ത്യയുടെ ന്യൂസിലാൻഡ് പര്യടനത്തിന് നാളെ തുടക്കമാകും

ഇന്ത്യയുടെ ന്യൂസിലാൻഡ് പര്യടനത്തിന് നാളെ തുടക്കമാകും. ഓസ്ട്രേലിയക്കെതിരായ ഏകദിന പരമ്പര നേടിയതിന്റെ ആത്മവിശ്വാസത്തിൽ കളിക്കളത്തിലിറങ്ങുന്ന ഇന്ത്യ, ന്യൂസിലൻഡിലും വിജയം തുടരാമെന്ന പ്രതീക്ഷയിലാണ്. നാളെ രാവിലെ 7.30 മുതൽ നേപ്പിയറിലാണ് പോരാട്ടം. പര്യടനത്തിൽ ആകെ അഞ്ച് ഏകദിനങ്ങളും മൂന്ന് ട്വന്റി-20 മത്സരങ്ങളുമാണുള്ളത്. ലോകകപ്പ് ലക്ഷ്യമിടുന്ന ഇന്ത്യയ്ക്കും ന്യൂസിലൻഡിനും ഒരേപോലെ പ്രധാനപ്പെട്ടതാണ് പരമ്പര.