പിണറായി വിജയന്‍ മുഖ്യമന്ത്രിയായി വന്ന ശേഷം മലയാളികള്‍ക്ക് നല്ല രീതിയില്‍ ഓണം ആഘോഷിക്കാന്‍ കഴിഞ്ഞിട്ടില്ല , എല്ലാ വര്‍ഷവും പ്രളയമാണ്‌ ; ഇത്തരക്കാര്‍ നാടുഭരിച്ചാല്‍ നാട് മുടിയുമെന്ന പഴഞ്ചൊല്ല് അന്വര്‍ത്ഥമായിരിക്കുകയാണെന്ന് മുരളീധരന്‍

തൃശൂര്‍ : പിണറായി വിജയന്‍ മുഖ്യമന്ത്രിയായി വന്ന ശേഷം മലയാളികള്‍ക്ക് നല്ല രീതിയില്‍ ഓണം ആഘോഷിക്കാന്‍ കഴിഞ്ഞിട്ടില്ലെന്ന് കെ മുരളീധരന്‍ എം പി. എല്ലാ വര്‍ഷവും പ്രളയമാണെന്നും പ്രകൃതി പോലും സര്‍ക്കാരിന് എതിരാണെന്നും മുരളീധരന്‍ ആക്ഷേപിച്ചു.

ഇത്തരക്കാര്‍ നാടുഭരിച്ചാല്‍ നാട് മുടിയുമെന്ന പഴഞ്ചൊല്ല് അന്വര്‍ത്ഥമായിരിക്കുകയാണെന്നും മുരളീധരന്‍ പറഞ്ഞു.

ഇന്നലെ യു ഡി എഫിന്‍റെ രാപ്പകല്‍ സമരം തൃശൂര്‍ കോര്‍പ്പറേഷന്‍ ഓഫീസിന് മുന്നില്‍ ഉദ്ഘാടനം ചെയ്ത് സംസാരിക്കുകയായിരുന്നു മുരളീധരന്‍.