തിരുവനന്തപുരം: കെപിസിസി പുന:സംഘടനയിൽ തർക്കങ്ങൾ ഉണ്ടെന്ന് കെ.പി.സി.സി പ്രസിഡന്റ് കെ.സുധാകരൻ. തർക്കങ്ങൾ പരിഹരിച്ച് രണ്ടു ദിവസത്തിനകം പട്ടിക കൈമാറും. മുൻ ഡിസിസി പ്രസിഡന്റുമാരായ എം.പി. വിൻസന്റ് , രാജീവൻ മാസ്റ്റർ എന്നിവർക്ക് മാനദണ്ഡങ്ങൾ മറികടന്ന് ഇളവ് നൽകാനുള്ള നീക്കം ഗ്രൂപ്പുകൾ എതിർത്തതോടെയാണ് പട്ടിക കൈമാറാതെ നേതൃത്വം ഡൽഹിയിൽ നിന്ന് മടങ്ങിയത്.
മാനദണ്ഡങ്ങൾ തയാറാക്കി ധാരണയിലെത്തിയാണ് പുനസംഘടന ചർച്ച ആരംഭിച്ചത്. മുൻ ഡിസിസി പ്രസിഡൻറ്മാരെ ജനറൽ സെക്രട്ടറി സ്ഥാനത്തേക്ക് പരിഗണിക്കേണ്ടതില്ല എന്നായിരുന്നു തീരുമാനം.