സംഗീത ആസ്വാദനത്തിന്‍റെ ഹൃദ്യമായ അനുഭവം നമുക്ക് നല്‍കിയ മഹാനായ കലാകാരനായിരുന്നു എസ്.പി ;അദ്ദേഹത്തിന്‍റെ മരണം തെന്നിന്ത്യന്‍ ചലച്ചിത്രമേഖലയ്ക്ക് തീരാനഷ്ടം : കെ.സുരേന്ദ്രന്‍

തിരുവനന്തപുരം: തെന്നിന്ത്യന്‍ ചലച്ചിത്രമേഖലയ്ക്ക് എസ്.പി ബാലസുബ്രഹ്മണ്യത്തിന്‍റെ മരണം തീരാനഷ്ടമാണെന്ന് ബി.ജെ.പി സംസ്ഥാന പ്രസിഡന്‍റ് കെ.സുരേന്ദ്രന്‍. സംഗീത ആസ്വാദനത്തിന്റെ ഹൃദ്യമായ അനുഭവം നമുക്ക് നല്‍കിയ മഹാനായ കലാകാരനായിരുന്നു അദ്ദേഹം.

ചലച്ചിത്രഗാനങ്ങളെ ആസ്വാദക ഹൃദയത്തിലേക്കെത്തിച്ച ഗായകനാണ് എസ്.പി. ബാലസുബ്രഹ്മണ്യമെന്നും സുരേന്ദ്രന്‍ പറഞ്ഞു.കേള്‍ക്കാന്‍ ഇമ്പമുള്ള അദ്ദേഹത്തിന്‍റ മധുരമായ ശബ്ദമാണ് സംഗീതപ്രേമികളെ ആകര്‍ഷിച്ചത്.

അന്യഭാഷകളിലെ അദ്ദേഹത്തിന്‍റെ ഗാനങ്ങള്‍ മലയാളികള്‍ സ്വന്തം ഭാഷപോലെ നെഞ്ചേറ്റുകയായിരുന്നു. മലയാളികള്‍ക്ക് ഒരിക്കലും മറക്കാനാവാത്ത ഗായകനാണ് എസ്.പി.ബിയെന്നും കെ സുരേന്ദ്രന്‍ വ്യക്തമാക്കി.