തിരുവനന്തപുരം: കളിയിക്കാവിളയില് എഎസ്ഐ വില്സനെ വെടിവെച്ചു കൊലപ്പെടുത്തിയ സംഭവത്തില് പ്രതികള് ഉപയോഗിച്ച കത്തി കണ്ടെടുത്തു. തമ്പാനൂർ ബസ് സ്റ്റാന്ഡ് പരിസരത്തു നിന്നാണ് കത്തി കണ്ടെടുത്തത്.
ക്യൂ ബ്രാഞ്ചും കേരള പൊലീസും നടത്തിയ സംയുക്ത പരിശോധനയിലാണ് കത്തി കണ്ടെടുത്തത്. വെടിവെക്കുന്നതിന് മുമ്ബ് പ്രതികള് വില്സനെ കത്തി കൊണ്ട് കുത്തി പരിക്കേല്പ്പിച്ചിരുന്നു. ഇതിന് ശേഷമാണ് വെടിവെച്ച് കൊന്നത്.
കൊലപാതകത്തിന് ശേഷം തമ്ബാനൂരില് എത്തിയ പ്രതികള് ബസ് സ്റ്റാന്ഡ് പരിസരത്ത് കത്തി ഉപേക്ഷിച്ചശേഷം എറണാകുളത്തേക്ക് വണ്ടി കയറുകയായിരുന്നു. എറണാകുളത്ത് കെഎസ്ആര്ടിസി ബസ് സ്റ്റാന്ഡ് പരിസരത്ത് വെടിവെക്കാനുപയോഗിച്ച തോക്ക് ഉപേക്ഷിക്കുകയും ചെയ്തു. ഈ തോക്ക് ഇന്നലെ പ്രതികളുമൊത്തുള്ള തെളിവെടുപ്പില് തമിഴ്നാട് ക്യൂ ബ്രാഞ്ച് കണ്ടെടുത്തിരുന്നു.