തൃശൂര്: ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ആശുപത്രിയില് പ്രവേശിപ്പിക്കപ്പെട്ട സിപിഐ സംസ്ഥാന സെക്രട്ടറി കാനം രാജേന്ദ്രന്റെ ആരോഗ്യനില മെച്ചപ്പെട്ടു.
അദ്ദേഹത്തെ പ്രവേശിപ്പിച്ചിരിക്കുന്ന തൃശൂരിലെ സ്വകാര്യ മെഡിക്കല് കോളജ് ആശുപത്രി വൃത്തങ്ങളെ ഉദ്ധരിച്ച് സിപിഐ സംസ്ഥാന നേതൃത്വമാണ് ഇത് സംബന്ധിച്ച വിവരം നല്കിയത്.
കാനം രാജേന്ദ്രനെ ശനിയാഴ്ച രാവിലെയാണ് ആശുപത്രിയിൽ പ്രവേശിപ്പിച്ചത്.. മന്ത്രി വി.എസ്.സുനില്കുമാര്, സിപിഐ കണ്ട്രോള് കമ്മീഷന് ചെയര്മാനും മുന് സംസ്ഥാന സെക്രട്ടറിയുമായ പന്നയന് രവീന്ദ്രന്, ആര്ച്ച്ബിഷപ് മാര് ആന്ഡ്രൂസ് താഴത്ത് എന്നിവര് കാനത്തെ സന്ദര്ശിക്കാന് എത്തിയിരുന്നു.