തിരുവനന്തപുരം: ദക്ഷിണ ശ്രീലങ്ക തീരത്തിനടുത്തായി തെക്ക് പടിഞ്ഞാറു ബംഗാള് ഉള്ക്കടലില് രൂപം കൊള്ളുന്ന ന്യൂനമര്ദത്തിന്റെ സ്വാധീനം മൂലം അടുത്ത രണ്ടു ദിവസം കേരളത്തില് ഒറ്റപ്പെട്ട സ്ഥലങ്ങളില് കനത്ത മഴ സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.
മത്സ്യത്തൊഴിലാളികള് കേരള തീരത്തും കന്യാകുമാരി മാലദ്വീപ് ലക്ഷദ്വീപ് തീരത്തും മത്സ്യബന്ധനത്തിന് പോകരുതെന്നും കാലവസ്ഥ നിരീക്ഷണകേന്ദ്രം മുന്നറിയിപ്പ് നല്കിയിട്ടുണ്ട് . ആലപ്പുഴ, എറണാകുളം, ഇടുക്കി ജില്ലകളില് ബുധനാഴ്ചയും മലപ്പുറം, കോഴിക്കോട് ജില്ലകളില് വ്യാഴാഴ്ചയും കേന്ദ്ര കാലാവസ്ഥാ വകുപ്പ് ഓറഞ്ച് അലര്ട്ട് പ്രഖ്യാപിച്ചു.