തിരുവനന്തപുരം: തലശ്ശേരി സി ഓ ടി നസീറിനെതിരെ നടന്നത് ഒറ്റപ്പെട്ട ആക്രമണമെന്ന വ്യാഖ്യാനവുമായി മുഖ്യമന്ത്രി പിണറായി വിജയന്. നിയമസഭയില് ആയിരുന്നു മുഖ്യമന്ത്രിയുടെ പ്രതികരണം. നസീറിനെതിരെ നടന്ന ആക്രമണത്തെ രാഷ്ട്രീയവത്കരിക്കാന് ശ്രമിക്കരുത്.
കേസില് മൂന്ന് പ്രതികളെ അറസ്റ്റ് ചെയ്തു. മൂന്ന് തവണ നസീറിന്റെ മൊഴി രേഖപ്പെടുത്തി. അപ്പോഴെല്ലാം അത് നസീറിനെ വായിച്ചു കേള്പ്പിച്ചു. കേസില് അന്വേഷണ ഉദ്യോഗസ്ഥനെ മാറ്റിയിട്ടില്ല - മുഖ്യമന്ത്രി പറഞ്ഞു.
അതേസമയം, തലശ്ശേരി എം എല് എയ്ക്കെതിരെ നസീര് മൊഴി നല്കിയിട്ടുണ്ടെന്ന് പറഞ്ഞു പാറയ്ക്കല് അബ്ദുല്ല എം എല് എ രംഗത്തെത്തി. എന്നാല് നസീറിന്റെ മൊഴിയില് ആരുടേയും പേരില്ലെന്ന് മുഖ്യമന്ത്രി മറുപടി നല്കി. പോലീസ് അന്വേഷണത്തില് വീഴ്ച സംഭവിച്ചിട്ടില്ലെന്നും മുഖ്യമന്ത്രി പറഞ്ഞു.