ഇ​ന്ധ​ന ക്ഷാ​മമില്ല. ക്രമീകരണങ്ങളുമായി പെ​ട്രോ​ളി​യം ക​മ്പ​നി​ക​ൾ

തി​രു​വ​ന​ന്ത​പു​രം:  കാ​ല​വ​ർ​ഷ കെടുതിയില്‍ ഇ​ന്ധ​ന ക്ഷാ​മം ഉ​ണ്ടാ​വാ​തി​രി​ക്കാ​ൻ ക്ര​മീ​ക​ര​ണ​ങ്ങ​ളു​മാ​യി പെ​ട്രോ​ളി​യം ക​മ്പ​നി​ക​ൾ. കൊ​ച്ചി ഇ​രുമ്പ​നം പ്ലാ​ന്‍റി​ൽ നി​ന്നും സാ​ധാ​ര​ണ നി​ല​യി​ലു​ള്ള ഇ​ന്ധ​ന വി​ത​ര​ണം ഇ​പ്പോ​ഴും ന​ട​ക്കു​ന്ന​തി​നാ​ൽ ഇ​ന്ധ​ന ക്ഷാ​മ​ത്തി​ന് വ​രും ദി​വ​സ​ങ്ങ​ളി​ലും യാ​തൊ​രു സാ​ധ്യ​ത​യു​മി​ല്ലെ​ന്നു ഇന്ത്യ​ൻ ഓ​യി​ൽ കോ​ർ​പ്പ​റേ​ഷ​ൻ തി​രു​വ​ന​ന്ത​പു​രം ഡി​വി​ഷ​ണ​ൽ ഓ​ഫീ​സ​ർ പ​റ​ഞ്ഞു.

ക​ന​ത്ത മ​ഴ​യി​ൽ വി​വി​ധ പെ​ട്രോ​ളി​യം ക​ന്പ​നി​ക​ളു​ടെ വെ​ള്ളം ക​യ​റി​യ പ​ന്പു​ക​ളി​ൽ മാ​ത്ര​മാ​ണ് ഇ​പ്പോ​ൾ ഇ​ന്ധ​നം നി​റ​യ്ക്കാ​ൻ ക​ഴി​യാ​ത്ത​ത്. പ​ത്ത​നം​തി​ട്ട, ആ​ല​പ്പു​ഴ, എ​റ​ണാ​കു​ളം, വ​യ​നാ​ട്, ഇ​ടു​ക്കി ജി​ല്ല​ക​ളി​ലാ​യി വി​വി​ധ പെ​ട്രോ​ളി​യം ക​മ്പ​നി​ക​ളു​ടേ​താ​യി 150 ഓ​ളം പ​ന്പു​ക​ളാ​ണ് വെ​ള്ള​പ്പൊ​ക്ക​ത്തി​ൽ കേ​ടു​പാ​ട് സം​ഭ​വി​ച്ച​ത്.

തൃ​ശൂ​ർ മു​ത​ൽ തി​രു​വ​ന​ന്ത​പു​രം വ​രെ​യു​ള്ള സ്ഥ​ല​ങ്ങ​ളി​ലേ​ക്ക് ഇ​ന്ത്യ​ൻ ഓ​യി​ൽ കോ​ർ​പ്പ​റേ​ഷ​ൻ പെ​ട്രോ​ളി​യം ഉ​ത്പ​ന്ന​ങ്ങ​ൾ എ​ത്തി​ക്കു​ന്ന​ത് കൊ​ച്ചി ഇ​രു​ന്പ​ന​ത്തെ പ്ലാ​ന്‍റി​ൽ നി​ന്നു​മാ​ണ്. ഇ​ന്നും ഇ​രു​ന്പ​ന​ത്തു നി​ന്നും തി​രു​വ​ന​ന്ത​പു​രം ഉ​ൾ​പ്പെ​ടെ​യു​ള്ള തെ​ക്ക​ൻ കേ​ര​ള​ത്തി​ലേ​ക്ക് സാ​ധാ​ര​ണ നി​ല​യി​ലു​ള്ള ലോ​ഡു​ക​ൾ എ​ത്തി​യ​താ​യി ഐ​ഒ​സി തി​രു​വ​ന​ന്ത​പു​രം ഡി​വി​ഷ​ണ​ൽ ഓ​ഫീ​സ​ർ അ​റി​യി​ച്ചു. എ​ന്നാ​ൽ ഇ​ന്ധ​ന​ക്ഷാ​മം ഉ​ണ്ടാ​കാ​ൻ സാ​ധ്യ​ത​യു​ണ്ടെ​ന്ന വാ​ർ​ത്ത പ​ര​ന്ന​തോ​ടെ തി​രു​വ​ന​ന്ത​പു​ര​ത്ത് ഉ​ൾ​പ്പെ​ടെ പെ​ട്രോ​ൾ പ​ന്പു​ക​ളി​ൽ വ​ൻ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്.

നി​ല​വി​ലെ സാ​ഹ​ച​ര്യ​ത്തി​ൽ പെ​ട്രോ​ളി​യം ഉ​ത്പ​ന്ന​ങ്ങ​ൾ​ക്ക് ക്ഷാ​മം അ​നു​ഭ​വ​പ്പെ​ടാ​നു​ള്ള സാ​ധ്യ​ത കു​റ​വാ​ണ്. കൊ​ച്ചി പ്ലാ​ന്‍റി​ൽ നി​ന്നും പാ​ല​ക്കാ​ട്ടേ​യ്ക്കും ഇ​ടു​ക്കി​യി​ലെ ചി​ല സ്ഥ​ല​ങ്ങ​ളി​ലേ​യ്ക്കും ഇ​ന്ധ​നം കൊ​ണ്ടു​പോ​കു​ന്ന​തി​നു ത​ട​സം നേ​രി​ട്ടി​രു​ന്നു. പാ​ല​ക്കാ​ട്ടേ​യ്ക്ക് പോ​കു​ന്ന റോ​ഡി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് ഗ​താ​ഗ​തം സ്തം​ഭി​ച്ച​പ്പോ​ൾ കോ​യ​ന്പ​ത്തൂ​ർ പ്ലാ​ന്‍റി​ൽ നി​ന്നും ഇ​ന്ധ​നം എ​ത്തി​ച്ചു.

ഇ​ടു​ക്കി ജി​ല്ല​യി​ൽ റോ​ഡു​ക​ൾ ത​ക​ർ​ന്ന​തോ​ടെ മ​ധു​ര​യ​ലെ പ്ലാ​ന്‍റി​ൽ നി​ന്നും ക​ന്പം​മെ​ട്ടു​വ​ഴി ഇ​ന്ധ​നം ജി​ല്ല​യു​ടെ വി​വി​ധ സ്ഥ​ല​ങ്ങ​ളി​ൽ എ​ത്തി​ച്ചു. ഇ​ന്ധ​ന ല​ഭ്യ​ത ഉ​റ​പ്പു വ​രു​ത്താ​ൻ എ​ല്ലാ പെ​ട്രോ​ളി​യം ക​ന്പ​നി​ക​ളും ശ്ര​ദ്ധി​ക്ക​ണ​മെ​ന്നു മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ക​ന്പ​നി അ​ധി​കൃ​ത​രോ​ട് ആ​വ​ശ്യ​പ്പെ​ട്ടു.