തിരുവനന്തപുരം: സംസ്ഥാനത്തെ കനത്ത തോല്‍വിയില്‍ കോണ്‍ഗ്രസ് ഹൈക്കമാന്‍ഡ് കടുത്ത അസംതൃപ്തിയില്‍. കേരള കാര്യത്തില്‍ അടിയന്തരമായി ഇടപെടാനില്ലെന്നും കേരളത്തില്‍ തന്നെ ഇക്കാര്യത്തില്‍ തീരുമാനമെടുക്കണമെന്നും രാഹുല്‍ ഗാന്ധി നിര്‍ദേശം നല്‍കി. കേരളത്തിലെ വിഷയത്തില്‍ താന്‍ ഇടപെടില്ലെന്നാണ് രഹുലിന്റെ നിലപാട്.
/sathyam/media/post_attachments/VrLjthBBBn1T6ZBbdvpp.jpg "publive-image")
രാഹുല്‍ ഗാന്ധിയും പ്രിയങ്കയും മുമ്പെങ്ങുമില്ലാത്ത വിധമാണ് കേരളത്തില്‍ തെരഞ്ഞെടുപ്പ് പ്രചാരണത്തിനെത്തിയത്. ഏതാണ്ട് നൂറിലേറെ മണ്ഡലങ്ങളില്‍ ഇരുവരും റോഡ്‌ഷോയും സമ്മേളനങ്ങളും നടത്തിയിരുന്നു. എന്നാല്‍ ഇതൊന്നും ഗുണം ചെയ്തില്ലെന്നു തെളിയിക്കുകയായിരുന്നു തെരഞ്ഞെടുപ്പ് ഫലം.
കേരളത്തിലെ കടുത്ത ഗ്രൂപ്പിസത്തില്‍ കടുത്ത അതൃപ്തിയാണ് രാഹുലിനുള്ളത്. ഗ്രൂപ്പു പോരു തന്നെയാണ് പലയിടത്തും തോല്‍വിക്ക് കാരണമെന്നാണ് ഹൈക്കമാന്‍ഡിന് കിട്ടിയ റിപ്പോര്‍ട്ട്. പലയിടത്തും പാര്‍ട്ടി തീരുമാനിച്ച സ്ഥാനാര്‍ത്ഥികള്‍ക്കെതിരെ നേതാക്കള്‍ രഹസ്യമായി പ്രവര്‍ത്തിച്ചെന്നും റിപ്പോര്‍ട്ട് ഉണ്ട്.
ഇതാണ് രാഹുലിനെ ചൊടിപ്പിച്ചത്. രാഹുല്‍ ഗാന്ധി നേരിട്ട് നിശ്ചയിച്ച സ്ഥാനാര്‍ത്ഥികളെ പോലും തോല്‍പ്പിക്കാന്‍ കേരളത്തിലെ നേതാക്കള്‍ നീക്കം നടത്തിയതും അതിന്റെ വിശദാംശങ്ങളും അദ്ദേഹത്തിന് ലഭിച്ചിട്ടുണ്ട്. ഇതിന്റെ അടിസ്ഥാനത്തില്‍ കൂടിയാണ് രാഹുലിന്റെ കടുത്ത തീരുമാനം.
കേരളത്തിലെ നേതൃ മാറ്റത്തിലോ, തുടര്‍ നടപടികളിലോ അഭിപ്രായം പറയാനില്ലെന്നും ഇവിടുത്തെ നേതാക്കള്‍ തന്നെ ഇക്കാര്യത്തില്‍ തീരുമാനം എടുക്കട്ടേയെന്നും അദ്ദേഹം തന്റെ വിശ്വസ്തരെ അറിയിച്ചിട്ടുണ്ട്.
Follow Us/sathyam/media/agency_attachments/5VspLzgrB7PML1PH6Ix6.png)
