തിരുവനന്തപുരം: സംസ്ഥാനത്ത് വിവിധയിടങ്ങളില് ഇന്നും നാളെയും ശക്തമായ മഴയ്ക്ക് സാധ്യത. വരും ദിവസങ്ങളില് മഴ കനക്കും. ഇതിന്റെ പശ്ചാത്തലത്തില് വിവിധ ജില്ലകളില് ജാഗ്രതാനിര്ദേശം പുറപ്പെടുവിച്ചു. നാളെ കോട്ടയം,എറണാകുളം, ഇടുക്കി,മലപ്പുറം,കോഴിക്കോട്, കണ്ണൂര്, കാസര്കോട് എന്നീ ജില്ലകളില് യെല്ലോ അലര്ട്ടും 26ന് ഇടുക്കിയില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്.
ഇടുക്കിയില് മഴ തുടരുന്ന സാഹചര്യത്തില് മലയോര മേഖലയിലുള്ളവര്ക്ക് ജാഗ്രതാനിര്ദ്ദേശം നല്കിയിട്ടുണ്ട്.ഇടുക്കിയിലും വയനാട്ടിലും 24 മണിക്കൂറില് 204 മി.മി വരെ പെയ്യുന്ന ശക്തമായ മഴ ലഭിക്കും. കേരള-കര്ണാടക തീരത്ത് മണിക്കൂറില് 40 മുതല് 50 കി .മി വരെ വേഗതയില് ശക്തമായ കാറ്റിന് സാദ്ധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്നും നിര്ദേശമുണ്ട്.