തിരുവനന്തപുരം: കൊച്ചി മെട്രോ പേട്ട – തൃപ്പൂണിത്തുറ ലൈൻ 2021–2022 ൽ പൂർത്തിയാകും. 1957 കോടി രൂപ കൂടി ചെലവാക്കി കലൂർ സ്റ്റേഡിയം മുതൽ കാക്കനാട് ഐടി സിറ്റി വരെ മെട്രോ ലൈൻ നീട്ടും. ശബരിമല വിമാനത്താവളം, ഇടുക്കി–വയനാട് എയർസ്ട്രിപ്പുകൾക്കായി ഒൻപതു കോടി വകയിരുത്തി.
സിൽവർ ലൈൻ റയിൽ പദ്ധതിയുടെ പരിസ്ഥിതി അനുമതി നേടി ഭൂമിയേറ്റെടുക്കലിലേക്കു കടക്കും. ശബരി പാത നിർമാണത്തിനായി പദ്ധതി ചെലവിന്റെ പകുതി കിഫ്ബിയിൽ നിന്ന് ലഭ്യമാക്കും.