കോടിയേരി ബാലകൃഷ്ണൻ ചികിത്സക്കായി അമേരിക്കയിലേക്ക് : പാര്‍ട്ടിയിൽ നിന്ന് ഒരുമാസത്തെ അവധി : ഭാര്യ വിനോദിനിക്ക് ഒപ്പം കോടിയേരി ഹൂസ്റ്റണിലേക്ക് യാത്ര തിരിച്ചു

തിരുവനന്തപുരം: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ ചികിത്സക്കായി അമേരിക്കയിലേക്ക് യാത്ര തിരിച്ചു. ആരോഗ്യ പ്രശ്നങ്ങളിൽ വിദഗ്ധ പരിശോധനകൾക്കായാണ് കോടിയേരി ഹൂസ്റ്റണിലേക്ക് പോയത്.

ഭാര്യ വിനോദിനിയും കൂടെയുണ്ട്. ഒരുമാസത്തേക്കാണ് അമേരിക്കൻ യാത്ര. രണ്ടാഴ്ചത്തേക്ക് പാര്‍ട്ടി സംസ്ഥാന സെക്രട്ടറി സ്ഥാനത്ത് നിന്ന് അവധിയെടുത്തിട്ടുണ്ട്.

വിദഗ്ധ പരിശോധക്ക് ശേഷം തുടര്‍ ചികിത്സ ആവശ്യമെങ്കിൽ അവധി നീട്ടാനാണ് ആലോചന. രണ്ടാഴ്ചത്തെ മാത്രം അവധിയായതുകൊണ്ട് പാര്‍ട്ടി ചുമതലകൾക്ക് പകരം ആളെ നിയോഗിച്ചിട്ടില്ല. ഭാര്യ വിനോദിനിക്ക് ഒപ്പമാണ് കോടിയേരി ഹൂസ്റ്റണിലേക്ക് യാത്ര തിരിച്ചത്.