കുറവിലങ്ങാട്: കോട്ടയം കാണക്കാരിയില്നിന്ന് കാണാതായ വിദ്യാര്ഥികളെ കണ്ടെത്തി. കാണക്കാരി ഗവണ്മെന്റ് സ്കൂളിലെ ഒമ്പതാം ക്ലാസ് വിദ്യാര്ഥികളായ നാലംഗസംഘമാണ് വീട്ടുകാരെയും നാട്ടുകാരേയും ആശങ്കയിലാക്കി മുങ്ങിയത്. പോലീസ് നടത്തിയ അന്വേഷണത്തിലാണ് വിദ്യാര്ഥികളെ കണ്ടെത്തിയത്.
തിങ്കളാഴ്ച സ്കൂളില് പരീക്ഷയ്ക്കുപോയ വിദ്യാര്ഥികള് വീട്ടിലെത്താതിരുന്നതിനെ തുടര്ന്ന് വീട്ടുകാര് അന്വേഷണം നടത്തിയെങ്കിലും കണ്ടെത്താനായില്ല. തുടര്ന്നാണ് പരാതിയുമായി പോലീസിനെ സമീപിച്ചത്.
കാണാതായ വിദ്യാര്ഥികളില് ഒരാള്ക്ക് മൊബൈല് ഫോണ് ഉണ്ടായിരുന്നു. ഈ ഫോണിന്റെ ടവര് ലൊക്കേഷന് കേന്ദ്രീകരിച്ച് പോലീസ് നടത്തിയ അന്വേഷണത്തിലാണ് വിദ്യാര്ഥികളെ കണ്ടെത്തിയത്. അറവുകാട് ക്ഷേത്രപരിസരത്തുനിന്ന് അര്ത്തുങ്കല് പോലീസാണ് വിദ്യാര്ഥികളെ കണ്ടെത്തിയത്.