സ്വർണ കടത്ത് കേസ് ; എല്‍ഡിഎഫ് സർക്കാർ രാജി വയ്ക്കണം: മോൻസ് ജോസഫ് എംഎല്‍എ

കോട്ടയം :സ്വർണ്ണ കടത്ത് കേസിൽ മുഖ്യമന്ത്രിയുടെ ഓഫീസിന് ബന്ധമുണ്ടെന്ന് തെളിഞ്ഞ സാഹചര്യത്തിൽ എല്‍ഡിഎഫ് സർക്കാർ രാജി വയ്ക്കണമെന്ന് മോൻസ് ജോസഫ് എംഎല്‍എ ആവശ്യപ്പെട്ടു.

യൂത്ത് ഫ്രണ്ട് (എം) സംസ്ഥാന കമ്മറ്റിയുടെ ആഭിമുഖ്യത്തിൽ കോട്ടയം ഗാന്ധി പ്രതിമയ്ക്ക് സമീപം നടന്ന ശയനപ്രതിക്ഷണ സമരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

അഴിമതിക്കെതിരെ കുരിശു യുദ്ധം പ്രഖ്യാപിച്ച് അധികാരത്തിൽ വന്ന എല്‍ഡിഎഫ് സർക്കാർ അഴിമതിയിൽ മുങ്ങിക്കുളിച്ച് നിൽക്കുകയാണെന്നും മോൻസ് ആരോപിച്ചു.

യൂത്ത് ഫ്രണ്ട് ( എം) സംസ്ഥാന പ്രസിഡൻറ് അജിത്ത് മുതിരമലയുടെ നേതൃത്വത്തിൽ നടന്ന സമരത്തിൽ, കേരളാ കോൺഗ്രസ് ( എം ) കോട്ടയം ജില്ലാ പ്രസിഡന്റ് സജി മഞ്ഞക്കടമ്പിൽ മുഖ്യ പ്രസംഗം നടത്തി . പ്രിൻസ് ലൂക്കോസ്, വി ജെ. ലാലി, കെ.വി.കണ്ണൻ, ഷിജു പാറയിടുക്കിൽ, അനീഷ് കൊക്കരയിൽ, ജയിസൺ ജോസഫ്, മൈക്കിൾ ജയിംസ്, പ്രസാദ് ഉരുളികുന്നം, കുര്യൻ പി.കുര്യൻ, മജീഷ് കൊച്ചുമലയിൽ, ഷില്ലറ്റ് അലക്സ് , ജോണി പൂമരം, അമൽ ടോം, അഭിലാഷ് കൊച്ചുപറമ്പിൽ, ജോമോൻ ഇരുപ്പക്കാട്ടിൽ, ജിതിൻ തോമസ് . ദീപക്ക് അയ്യൻചിറ, തുടങ്ങിയവർ പ്രസംഗിച്ചു.