കോഴിക്കോട്: എലത്തൂരില് ആത്മഹത്യക്ക് ശ്രമിച്ച ഓട്ടോ ഡ്രൈവര് മരിച്ചു. എലത്തൂര് എസ്കെ ബസാറിലെ രാജേഷ് ആണ് മരിച്ചത്. വായ്പയെടുത്ത് വാങ്ങിയ ഓട്ടോറിക്ഷ സ്റ്റാന്ഡിലിറക്കാന് അനുവദിക്കില്ലെന്ന ഭീഷണിയെത്തുടര്ന്നാണ് രാജേഷ് ആത്മഹത്യക്ക് ശ്രമിച്ചത്.
രണ്ടാഴ്ച്ച മുമ്ബാണ് രാജേഷ് വായ്പ്പയെടുത്ത് ഓട്ടോറിക്ഷ വാങ്ങിയത്. ഓട്ടോയുമായി സ്റ്റാന്ഡിലെത്തിയെങ്കിലും അവിടെ ഓടിക്കാന് മറ്റുള്ളവര് അനുവദിച്ചിരുന്നില്ല. എന്നാല് രാജേഷ് ഇത് അവഗണിച്ചു. ഇതോടെ രാജേഷിനെ വഴിയില് തടഞ്ഞുവച്ച് ഒരു സംഘം മര്ദിക്കുകയും വധഭീഷണി മുഴക്കുകയും ചെയ്യുകയായിരുന്നു. ഇതില് മനംനൊന്തായിരുന്നു ആത്മഹത്യാ ശ്രമം.
കേസില് സിപിഎം പ്രദേശിക നേതാക്കളായ ഒ. കെ.ശ്രീലേഷ്, ഷൈജു കാവോത്ത് എന്നിവര് റിമാന്ഡിലാണ്. എന്നാല് സംഭവവുമായി ബന്ധപ്പെട്ട് സിഐടിയുവിന് പങ്കില്ലെന്നാണ് ജില്ലാ നേതൃത്വത്തിന്റെ വിശദീകരണം.