തിരുവനന്തപുരം: ഗവര്ണര് ആരിഫ് മുഹമ്മദ് ഖാനെതിരെ നിയമസഭയില് ഇന്ന് കണ്ടത് ജനങ്ങളുടെ പ്രതിഷേധമാണെന്ന് പി.കെ. കുഞ്ഞാലിക്കുട്ടി എം.പി. ജനാധിപത്യപരമായ രീതിയിലാണ് പ്രതിപക്ഷം നിയമസഭയില് പ്രതിഷേധിച്ചത്.
ഭരണഘടനയുടെ പവിത്രതക്കും കീഴ്വഴക്കങ്ങള്ക്കും യോജിക്കാത്ത രീതിയില് പ്രവര്ത്തിക്കുന്ന ഗവര്ണര്ക്കെതിരെ ജനാധിപത്യത്തോടും മതേതരത്വത്തോടും ബഹുമാനമുള്ള ഏതൊരു പ്രതിപക്ഷവും പ്രതിഷേധിച്ചേതീരൂ എന്നും അദ്ദേഹം പറഞ്ഞു.
ഗവര്ണറെ പ്രസംഗിക്കാന് അനുവദിക്കാതിരുന്നിട്ടില്ല. മര്യാദയിലുള്ള തടയലാണ് നടന്നത്. അത് യു.ഡി.എഫിന്റെ ജനാധിപത്യ ബോധത്തെയാണ് കാണിക്കുന്നത്. ഗവര്ണര് ആരിഫ് മുഹമ്മദ് ഖാന് എല്ലാ സീമകളും ലംഘിച്ചാണ് മുന്നോട്ടു പോകുന്നതെന്ന് ജനങ്ങള്ക്കറിയാം. അതിനാല് ഈ പ്രതിഷേധം ഗവര്ണര് അര്ഹിക്കുന്നതാണെന്നും ഗവര്ണറോടുള്ള അമര്ഷം ഇടതുപക്ഷത്തിന് പ്രകടിപ്പിക്കാന് സാധിക്കാതിരുന്നത് അവരുടെ അങ്ങേയറ്റത്തെ നിസ്സഹായാവസ്ഥ കൊണ്ടാണെന്നും കുഞ്ഞാലിക്കുട്ടി മാധ്യമങ്ങളോട് പറഞ്ഞു.