കുവൈറ്റ് : ഇറാനും അമേരിക്കയും തമ്മിലുള്ള പ്രശ്നം ഗള്ഫേ മേഖലയില് കൊടുമ്പിരി കൊണ്ടിരിക്കെ കുവൈറ്റ് അമീര് ഷെയ്ഖ് സബാഹ് അല് അഹമ്മദ് അല് ജാബര് അല് സബാഹ് ഇന്ന് ഇറാഖ് സന്ദര്ശിക്കും.
വിദേശകാര്യ മന്ത്രി ഉൾപ്പെടെ ഉന്നതതല സംഘവും അമീറിനെ അനുഗമിക്കും. അമീറായി ചുമതലയേറ്റ ശേഷം ഇത് രണ്ടാം തവണയാണ് ഷെയ്ഖ് സബാഹ് അല് അഹമ്മദ് അല് ജാബര് അല് സബാഹ് ഇറാഖ് സന്ദർശിക്കുന്നത്.
നേരത്തേ 2012ൽ ബഗ്ദാദിൽ നടന്ന അറബ് ഉച്ചകോടിക്കാണ് അദ്ദേഹം പോയത്. ഒമാൻ കടലിൽ എണ്ണക്കപ്പലിന് നേരെയുണ്ടായ ആക്രമണം മേഖലയിൽ സംഘർഷാവസ്ഥ മൂർച്ഛിച്ച പശ്ചാത്തലത്തിലാണ് അമീർ അയൽരാജ്യം സന്ദർശിക്കുന്നത്.