ഭക്ഷണത്തിൽ മാലിന്യം; കുവൈറ്റിൽ ഇന്ത്യൻ വേലക്കാരി അറസ്റ്റില്‍

കുവൈറ്റ്‌: ഭക്ഷണത്തിൽ മാലിന്യം ചേർത്ത ഇന്ത്യൻ വേലക്കാരി കുവൈറ്റിൽ അറസ്റ്റില്‍.  ഒരു കുവൈറ്റ് പൗരൻ തന്റെ വേലക്കാരിയോടൊപ്പമുള്ള ഒരു വീഡിയോ ക്ലിപ്പ് സഹിതം പരാതി നൽകിയതിനെ തുടർന്നുള്ള അന്വേഷണത്തിലാണ് ഞെട്ടിക്കുന്ന വിവരങ്ങൾ പുറത്തുവന്നത്‌.

തങ്ങളുടെ ഇന്ത്യൻ വീട്ടുജോലിക്കാരി തയ്യാറാക്കിയ ഭക്ഷണത്തിന് രുചി വ്യത്യാസമുണ്ടെന്നും വിചിത്രമായ രുചിയുണ്ടെന്നും കുടുംബത്തിന് തോന്നിയിരുന്നു. അതിനാൽ വീട്ടുജോലിക്കാരി അറിയാതെ അടുക്കളയിൽ നിരീക്ഷണ ക്യാമറ സ്ഥാപിച്ചു.

വീഡിയോ ദൃശ്യങ്ങൾ പരിശോധിച്ചപ്പോൾ വീട്ടുജോലിക്കാരി ഭക്ഷണപാനീയങ്ങളിൽ ഒരു പാത്രത്തിൽ നിന്ന് ദ്രാവക മാലിന്യം ചേർക്കുന്നത് കണ്ട് ഞെട്ടിപ്പോയതായി വീട്ടുടമ പറഞ്ഞു. വീടിന്റെ മേൽക്കൂരയിൽ പ്രത്യേക ശുചിമുറിയുള്ള ഒരു മുറി നൽകിയതിനാൽ കുടുംബത്തോട് പക തീർക്കാൻ മനഃപൂർവം ചെയ്യുകയായിരുന്നുവെന്ന് അവൾ സമ്മതിച്ചു.

കുവൈറ്റ് കുടുംബം അവളിൽ അർപ്പിച്ച വിശ്വാസത്തിന് വിരുദ്ധമായ വിചിത്രമായ പെരുമാറ്റം കാരണം അവളെ നാടുകടത്താനുള്ള ഉത്തരവിൽ ക്യാപിറ്റൽ ഗവർണറേറ്റിലെ സെക്യൂരിറ്റി ഡയറക്ടറേറ്റ് ഡയറക്ടർ ജനറൽ മേജർ ജനറൽ അബ്ദീൻ അൽ-ആബിദീൻ ഒപ്പുവച്ചു.

ഒരു വർഷത്തിലേറെയായി അവരുടെ ഭക്ഷണത്തിൽ പതിവായി മാലിന്യം ചേർത്തു വരികയായിരുന്നത്രെ . മതിയായ തെളിവ് ലഭിച്ചതിനാൽ കൊലപാതകശ്രമം, ഗുരുതരമായി പരിക്കേൽപ്പിക്കൽ എന്നീ കുറ്റങ്ങൾ പ്രതിക്കെതിരെ ചുമത്താമെങ്കിലും കുവൈറ്റിൽ നിന്ന് നാടുകടത്തുമെന്ന് സുരക്ഷാ വൃത്തങ്ങൾ അറിയിച്ചു.