മലപ്പുറത്ത് ഹമാസ് നേതാവ് പങ്കെടുത്ത റാലിക്കെതിരെയും എംവി ഗോവിന്ദനെതിരെയും പൊലീസ് കേസെടുത്തില്ല; എന്നാല്‍ രാജീവ് ചന്ദ്രശേഖറിനെതിരെ കേസെടുത്തു; പിണറായി വിജയന്റേത് ഇരട്ട നീതി’; പാര്‍ലമെന്റ് തെരഞ്ഞെടുപ്പ് ലക്ഷ്യം വച്ചുള്ള നീക്കമാണ് ഇതിന് പിന്നിലെന്നും രാജ്യസ്‌നേഹമല്ലെന്നും കെ സുരേന്ദ്രൻ

തിരുവനന്തപുരം: കേന്ദ്രമന്ത്രി രാജീവ് ചന്ദ്രശേഖറിന് എതിരെ ജാമ്യമില്ലാവകുപ്പ് പ്രകാരം കേസ് എടുത്ത പിണറായി വിജയന്‍ സര്‍ക്കാരിന്റെ നടപടിയില്‍ ശക്തമായി പ്രതിഷേധിക്കുന്നുവെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. കേസ് എടുത്തത് തീവ്ര ചിന്താഗതിക്കാരെ സഹായിക്കാനാണ്.

പിണറായി വിജയന്റെ ഇരട്ടത്താപ്പും, ഇരട്ട നീതിയുമാണ് ഇതിലൂടെ വ്യക്തമാണ്. വര്‍ഗീയ ചിന്താഗതിക്കാരെ സഹായിക്കാനുള്ള സര്‍ക്കാര്‍ നീക്കമാണ് നടക്കുന്നത്. 

മലപ്പുറത്ത് ഹമാസ് നേതാവ് പങ്കെടുത്ത റാലിക്കെതിരെയും സിപിഐഎം സംസ്ഥാന സെക്രട്ടറി എംവി ഗോവിന്ദനെതിരെയും പൊലീസ് കേസെടുത്തില്ല. എന്നാല്‍ രാജീവ് ചന്ദ്രശേഖറിനെതിരെ കേസെടുത്തു. പാര്‍ലമെന്റ് തെരഞ്ഞെടുപ്പ് ലക്ഷ്യം വച്ചുള്ള മുഖ്യമന്ത്രിയുടെ നീക്കമാണ് ഇതിന് പിന്നിലെന്നും രാജ്യസ്‌നേഹമല്ലെന്നും കെ സുരേന്ദ്രന്‍ പറഞ്ഞു.