കൊച്ചി: നടിയെ ആക്രമിച്ച കേസിൽ മെമ്മറികാര്ഡ് പരിശോധിച്ചതിലെ അന്വേഷണ റിപ്പോര്ട്ടിനാധാരമായ സാക്ഷിമൊഴികള് അതിജീവിതയ്ക്ക് നല്കണമെന്ന് ഹൈക്കോടതിയുടെ നിര്ദ്ദേശം.
എറണാകുളം സെഷന്സ് കോടതിക്കാണ് ഹൈക്കോടതിയുടെ നിര്ദ്ദേശം. അതിജീവിതയുടെ ഹര്ജിയിലാണ് ഹൈക്കോടതിയുടെ ഉത്തരവ്. സാക്ഷിമൊഴികള് അതിജീവിതയ്ക്ക് ലഭിക്കേണ്ടതാണെന്നും അതിജീവിതയുടെ ആവശ്യം നിലനില്ക്കുമെന്നും ഹൈക്കോടതി നിരീക്ഷിച്ചു.
അതിജീവിതയുടെ ആവശ്യം നിരസിക്കാന് കാരണങ്ങളില്ലെന്ന് പറഞ്ഞ ജസ്റ്റിസ് കെ ബാബു അതിജീവിതയുടെ മറ്റ് ആവശ്യങ്ങളില് മെയ് 30ന് വാദം കേള്ക്കുമെന്ന് അറിയിച്ചു.
അന്വേഷണ റിപ്പോര്ട്ടിലെ വിവരങ്ങള് മാധ്യമങ്ങള് പ്രസിദ്ധീകരിച്ചുവെന്ന കേസിലെ എട്ടാം പ്രതിയായ ദിലീപിന്റെ വാദം ഹൈക്കോടതി തള്ളി. വസ്തുതാ അന്വേഷണ റിപ്പോര്ട്ട് രഹസ്യ റിപ്പോര്ട്ടല്ലെന്ന് ഹൈക്കോടതി വ്യക്തമാക്കി.