‘തിരുവനന്തപുരം മണ്ഡലത്തിൽ വിജയസാധ്യത പന്ന്യൻ രവീന്ദ്രന് തന്നെ’: ആര്യ രാജേന്ദ്രൻ

തിരുവനന്തപുരം മണ്ഡലത്തിൽ വിജയസാധ്യത പന്ന്യൻ രവീന്ദ്രന് തന്നെയെന്ന് മേയർ ആര്യ രാജേന്ദ്രൻ. വോട്ട് രേഖപ്പെടുത്തിയശേഷം മാധ്യമങ്ങളോട് പ്രതികരിക്കുകയായിരുന്നു മേയർ. മുടവന്മുകൾ എൽപിഎസിലെ 29 ആം ബൂത്തിലാണ് വോട്ട് രേഖപ്പെടുത്തിയത്.

പന്ന്യൻ രവീന്ദ്രൻ ചെയ്ത വികസന പ്രവർത്തനങ്ങൾ ജനങ്ങൾക്ക് അറിയാം. ദേശീയ രാഷ്ട്രീയ പ്രശ്നങ്ങൾ ജനങ്ങൾക്ക് വലിയ ആശങ്ക നൽകുന്നതാണ്. 15 വർഷക്കാലം എംപി ഇല്ലാതിരുന്ന അവസ്ഥയായിരുന്നു തിരുവനന്തപുരത്തെന്നും മേയർ ആര്യ രാജേന്ദ്രൻ വ്യക്തമാക്കി.