കൊച്ചി: സ്വർണക്കടത്തുമായി ബന്ധപ്പെട്ട് കള്ളപ്പണം വെളുപ്പിച്ചെന്ന എൻഫോഴ്സ്മെൻ്റ് കേസിൽ എം ശിവശങ്കറിന്റെ ജാമ്യാപേക്ഷ ഈ മാസം 11 ലേക്ക് മാറ്റി. അറസ്റ്റിലായി നിശ്ചിത ദിവസം കഴിഞ്ഞാൽ സ്വാഭാവിക ജാമ്യത്തിന് അർഹതയുണ്ടെന്ന് കാണിച്ച് ശിവശങ്കർ സമർപ്പിച്ച ഹർജിയിലാണ് നടപടി. എറണാകുളം പ്രിൻസിപ്പൽ സെഷൻസ് കോടതിയുടേതാണ് നടപടി.
കള്ളക്കടത്തില് തനിക്ക് പങ്കില്ലെന്നും ഇക്കാര്യത്തില് കസ്റ്റംസിന് യാതൊരു തെളിവും
ഹാജരാക്കാന് ആയില്ലെന്നുമാണ് ശിവശങ്കറിന്റെ വാദം. ഏറെ മാസങ്ങളായി കസ്റ്റഡിയില്
കഴിയുമ്പോള് ഒരു പ്രതി നല്കിയ മൊഴിമാത്രമാണ് തനിക്കെതിരെ ഉള്ളതെന്ന് ശിവശങ്കര്
വാദിക്കുന്നു.
ഇത് വിശ്വസിക്കാനാവില്ലെന്നാണ് ഹര്ജിയില് പറയുന്നത്. താന് ചികിത്സയിലാണെന്ന
കാര്യവും ശിവശങ്കര് ഹര്ജിയില് ചൂണ്ടിക്കാട്ടുന്നു.