കോഴിക്കോട് : നടന് മാമുക്കോയ സഞ്ചരിച്ച വാഹനം അപകടത്തില്പ്പെട്ടു രണ്ട് പേര്ക്ക് പരിക്ക് . ഇരുവരുടെയും നില ഗുരുതരമാണ് .
നടന് മാമുക്കോയയും സംഘവും സഞ്ചരിച്ച വാഹനം നിയന്ത്രണം വിട്ടു രണ്ടുകാറുകളും സ്കൂട്ടറും ഇടിച്ച് തെറിപ്പിക്കുകയായിരുന്നുവെന്ന് പറയുന്നു.
ഫറോഖ് സ്വദേശി പ്രശാന്ത്, ചേവായൂര് സ്വദേശിനി ജോമോള് എന്നിവര്ക്കാണ് പരുക്കേറ്റത് . ഇവരെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു. ഇരുവരും ഗുരുതരാവസ്ഥയിലാണ്.
മാമുക്കോയയും സംഘവും മദ്യലഹരിയിലായിരുവന്നുവെന്നാണ് സൂചന. അദ്ദേഹം സഞ്ചരിച്ച വാഹനത്തില് നിന്ന് മദ്യക്കുപ്പിയും ഗ്ലാസും കണ്ടെത്തിയിട്ടുണ്ട്. തൊണ്ടയാട് ബൈപ്പാസില് വൈകിട്ടാണ് അപകടം നടന്നത്.