കൊച്ചി: മരടിലെ ഫ്ലാറ്റ് പൊളിക്കുന്ന വിഷയത്തില് സര്ക്കാര് മുന്നോട്ട് തന്നെ പോകാന് തീരുമാനിച്ചു. ഫ്ലാറ്റുകള് പൊളിക്കുന്നതിന് സര്ക്കാര് പുതിയ ഉദ്യോഗസ്ഥനെ നിയമിച്ചു. ഫോര്ട്ട് കൊച്ചി സബ് കളക്ടര് സ്നേഹില് കുമാര് സിംഗിനെയാണ് നിയമിച്ചത്.
നേരത്തെ നഗരസഭാ സെക്രട്ടറിക്കായിരുന്നു ഇതിന്റെ ചുമതല. സമയബന്ധിതമായി പൊളിക്കല് നടപടി പൂര്ത്തിയാക്കാന് സ്നേഹില് കുമാറിന് സര്ക്കാര് നിര്ദേശം നല്കിയിട്ടുണ്ട്. ഇതിനിടെ ഫ്ലാറ്റുകളിലെ വൈദ്യുതി വിച്ഛേദിക്കാന് കെഎസ്ഇബിക്ക് കത്തയച്ചിട്ടുണ്ട്.