കൊച്ചി: മരട് നഗരസഭാ സെക്രട്ടറിയായ സബ്കളക്ടര് സ്നേഹില് കുമാറിനെതിരെ പരാതിയുമായി ഭരണസമിതി രംഗത്ത്.
നഗരസഭയുടെ ദൈനംദിന കാര്യങ്ങളില് സെക്രട്ടറി ഇടപെടുന്നില്ലെന്ന് ചൂണ്ടിക്കാട്ടി തദ്ദേശസ്വയംഭരണ വകുപ്പ് മന്ത്രിക്കും ചീഫ് സെക്രട്ടറിക്കും പരാതി നല്കി.
നഗരസഭാ ചെയര്പേഴ്സണ് ആണ് കത്ത് നല്കിയത് .ഫ്ലാറ്റ് പൊളിക്കല് നടപടി ഭരണസമിതിയെ അറിയിക്കുന്നില്ലെന്നും പരാതിയില് പറയുന്നു. സ്നേഹില് കുമാര് ഫയലുകളില് ഒപ്പിടുന്നില്ല തുടങ്ങിയ ആരോപണവും ഭരണസമിതി ഉന്നയിക്കുന്നു. കഴിഞ്ഞ ബുധനാഴ്ചയാണ് സ്നേഹില് കുമാര് മരട് നഗരസഭ സെക്രട്ടറിയുടെ അധിക ചുമതല ഏറ്റെടുത്തത്.
അതിനു ശേഷമാണ് വൈദ്യുതിയും, വെള്ളവും വിച്ഛേദിക്കുമെന്ന് കാട്ടി ഫ്ലാറ്റ് ഉടമകള്ക്ക് നോട്ടീസ് നല്കിയതും അതിന്മേല് നടപടികള് ആരംഭിച്ചതും.