വിൽക്കാതെ അവശേഷിച്ച 10 ലോട്ടറി ടിക്കറ്റുളിലൊന്നിൽ മറഞ്ഞിരുന്ന ഭാഗ്യം പെട്ടിക്കടക്കാരൻ തമ്പിക്ക് 70 ലക്ഷത്തിന്റെ സന്തോഷമായി !!

മാവേലിക്കര : മാവേലിക്കര ഇറവങ്കര സവിതാഭവനത്തിൽ സി.തമ്പിക്കാണു (63) വിൽപന നടക്കാതെ അവശേഷിച്ച സ്ത്രീശക്തി ലോട്ടറിയുടെ ടിക്കറ്റുകളിലൊന്നിന് ഒന്നാം സമ്മാനമായ 70 ലക്ഷം രൂപ കിട്ടിയത്.

മാവേലിക്കര–പന്തളം റോഡിൽ കൊച്ചാലുംമൂട് ശുഭാനന്ദാശ്രമത്തിനു സമീപം പെട്ടിക്കടയും ഒപ്പം ലോട്ടറി വ്യാപാരവും നടത്തുന്നയാളാണു തമ്പി.

കട വിപുലീകരിക്കുകയും മക്കളെ സഹായിക്കുകയും ചെയ്യണമെന്നാണു തമ്പിയുടെ ആഗ്രഹം. സമ്മാനാർഹമായ ടിക്കറ്റ് ഫെഡറൽ ബാങ്കിന്റെ മാങ്കാംകുഴി ശാഖയിൽ ഏൽപിച്ചു. ഭാര്യ: സരസ്വതി. മക്കൾ: സരിത, സവിത.