മയക്കുമരുന്ന് കേസിലെ പ്രതികള്‍ക്ക് കോവിഡ്; മാനന്തവാടി എക്സൈസ് ഇന്‍സ്പെക്ടറടക്കമുള്ളവര്‍ സ്വയം നിരീക്ഷണത്തില്‍

മാനന്തവാടി: മയക്കുമരുന്ന് കേസിലെ പ്രതികള്‍ക്ക് കോവിഡ് സ്ഥിരീകരിച്ചതോടെ മാനന്തവാടി എക്സൈസ് ഇന്‍സ്പെക്ടറടക്കമുള്ളവര്‍ സ്വയം നിരീക്ഷണത്തില്‍ പോയി.

സെപ്റ്റംബര്‍ ആറിന് മാനന്തവാടി എക്‌സൈസ് സംഘം കഞ്ചാവടക്കമുള്ള മയക്കുമരുന്നുമായി അറസറ്റ് ചെയ്ത മാനന്തവാടി ചൂട്ടക്കടവ് സ്വദേശിയായ 21കാരനും അമ്പുകുത്തി സ്വദേശിയായ 27കാരനുമാണ് കോവിഡ് സ്ഥിരീകരിച്ചത്.

ഇതോടെ മാനന്തവാടി എക്‌സൈസ് റേഞ്ച്​ ഇന്‍സ്‌പെക്ടറും മറ്റ് പത്ത് ഉദ്യോഗസ്ഥരും സ്വയം നിരീക്ഷണത്തില്‍ പ്രവേശിച്ചു.