ജനീവ: മീസില് രോഗബാധ 2019ല് വന്തോതില് വര്ധിച്ചെന്ന് റിപ്പോര്ട്ട്. ലോകാരോഗ്യ സംഘടനയാണ് ഇത് സംബന്ധിച്ച കണക്കുകള് പുറത്തുവിട്ടത്. 4,40,000 പേര്ക്കാണ് 2019ല് മാത്രം രോഗം ബാധിച്ചത്. ബുധനാഴ്ച പുറത്തുവിട്ട റിപ്പോര്ട്ടിലാണ് ഡബ്ല്യുഎച്ച്ഒ ഇത് സംബന്ധിച്ച കണക്കുകള് രേഖപ്പെടുത്തിയിട്ടുള്ളത്.
മഡഗാസ്കറിലും നൈജീരിയയിലുമാണ് രോഗബാധ ഏറ്റവും കൂടുതല് ഉള്ളതെന്നും റിപ്പോര്ട്ട് വ്യക്തമാക്കുന്നുണ്ട്.റിപ്പബ്ലിക് ഓഫ് കോംഗോയില് രണ്ടു ലക്ഷത്തിലേറെപ്പേര്ക്ക് രോഗമുണ്ടെന്ന് സംശയിച്ചിരുന്നുവെന്നും ഇവിടെ ഈ വര്ഷം 5,110 പേര് രോഗബാധമൂലം മരണപ്പെട്ടുവെന്നും റിപ്പോര്ട്ടില് പറയുന്നുണ്ട്.
നവംബര് വരെയുള്ള കണക്കുകള് പ്രകാരം യുക്രെയിന്- 56,802, കസക്കിസ്ഥാന്- 10,126, ജോര്ജിയ- 3,904, റഷ്യ- 3,521 എന്നിങ്ങനെയാണ് കണക്കുകള്. അമേരിക്കയിലും രോഗബാധിതരുടെ എണ്ണം വളരെ കൂടിയെന്നാണ് കണക്ക്.1,200 പേര്ക്കാണ് അമേരിക്കയില് 2019ല് മാത്രം മീസില്സ് രോഗബാധയുണ്ടായത്.