തിരുവനന്തപുരം: കൊറോണാ പ്രതിസന്ധിയെ അതിജീവിക്കുവാൻ നാമമാത്ര ചെറുകിട ഇടത്തരം വ്യവസായ സംരംഭങ്ങൾക്കായി (എംഎസ്എംഇ ) കേന്ദ്രസർക്കാർ പ്രഖ്യാപിച്ച എമർജൻസി ക്രെഡിറ്റ് ഗ്യാരണ്ടി സ്കീം പ്രകാരം കേരളത്തിൽ ഇതുവരെ അനുവദിച്ച 2088.61 കോടി രൂപ കേരളത്തിൽ 94,158 സംരംഭകർക്ക് വിവിധ ബാങ്കുകൾ വായ്പ അനുവദിച്ചു.
കേരളത്തിൽ 48678 സംരംഭങ്ങൾക്ക് 1,372.24 കോടി രൂപ ഇതിനോടകം കൈമാറി കഴിഞ്ഞു. സംസ്ഥാനത്തെ ആയിരക്കണക്കിന് ചെറുകിട ബിസിനസുകാർക്ക് സഹായകരമാണ് കേന്ദ്രസർക്കാർ പദ്ധതി.
സർക്കാർ ഗ്യാരണ്ടിയുള്ള 100% എമർജൻസി ക്രെഡിറ്റ് ലൈൻ ഗ്രാരണ്ടി സ്കീം പ്രകാരം ജൂൺ 26വരെയുള്ള കാലയളവിൽ പൊതു-സ്വകാര്യ മേഖലാ ബാങ്കുകളിൽ ഒരുലക്ഷം കോടി രൂപയിൽ കൂടുതൽ വായ്പയാണ് രാജ്യത്ത് അനുവദിച്ചിരിക്കുന്നത് ഇതിൽ 45,000 കോടി രൂപ ഇതിനോടകം കൈമാറിക്കഴിഞ്ഞു.