തിരുവനന്തപുരം: കെ.പി.സി.സി ഭാരവാഹി പട്ടികക്കെതിരെയുള്ള കെ. മുരളീധരന് എം.പിയുടെ പ്രസ്താവനക്ക് പാര്ട്ടി അധ്യക്ഷന് മുല്ലപ്പള്ളി രാമചന്ദ്രന്റെ പരോക്ഷ വിമര്ശനം. ഭാരവാഹി പട്ടികയെ വിമര്ശിക്കുന്നവര് സ്വയം തിരിഞ്ഞു നോക്കണമെന്ന് മുല്ലപ്പള്ളി പറഞ്ഞു. പുനഃസംഘടിപ്പിച്ച ശേഷമുള്ള കെ.പി.സി.സിയുടെ ആദ്യ യോഗത്തില് സംസാരിക്കുകയായിരുന്നു അദ്ദേഹം.
പരസ്യ വിമര്ശനങ്ങള് വേണ്ടെന്നും വിമര്ശനങ്ങള് പാര്ട്ടിയുടെ ശോഭ കെടുത്തുന്നുവെന്നും മുല്ലപ്പള്ളി പറഞ്ഞു. അച്ചടക്ക ലംഘനം കോണ്ഗ്രസില് വെച്ചുപൊറുപ്പിക്കില്ല. സമൂഹ മാധ്യമങ്ങളില് നേതാക്കളെ അപകീര്ത്തിപ്പെടുത്തിയാല് കടുത്ത നടപടി നേരിടേണ്ടി വരുമെന്നും മുല്ലപ്പള്ളി മുന്നറിയിപ്പ് നല്കി.
പുതിയ ഭാരവാഹികളെല്ലാവരും പദവിക്ക് യോഗ്യരാണ്. മുമ്പ് പല പദവികളും ഏറ്റെടുത്ത സമയത്ത് പാര്ട്ടിക്ക് വേണ്ടി കഠിനാധ്വാനം ചെയ്തവരാണ് അവരെന്നും കെ.പി.സി.സി അധ്യക്ഷന് പറഞ്ഞു.
ലോക്സഭ തെരഞ്ഞെടുപ്പില് 19 സീറ്റിലും വിജയിച്ച സാഹചര്യം മാറിയിട്ടുണ്ട്. എല്ലാ നേതാക്കളും ഭാരവാഹികളും കഠിനാധ്വാനം ചെയ്താല് മാത്രമേ യു.ഡി.എഫിന് തദ്ദേശ തെരഞ്ഞെടുപ്പിലും നിയമസഭ തെരഞ്ഞെടുപ്പിലും വിജയിക്കാന് സാധിക്കൂ എന്നും മുല്ലപ്പള്ളി രാമചന്ദ്രന് പറഞ്ഞു.